Mateo 8:31 - Kasulatan to Diyus

³¹ Nangamuyù lagboy sikan mgo busow diyà ki Jesus no nig-iling to “Ko gawangon koy nu, igatang tuguti koy podon to ogpasoodon koy nu du-on sikan mgo babuy.”

Mateo 8:31 ပူးပေါင်းရင်းမြစ်များ

Mateo 4:24

Tibò pigtangkapan to kabantug din diyà to Siriya no banwa. Kaling man pigpandaa dan diyà ki Jesus to mgo nangkasakit no pig-abuy aw kan ogbatì to ogkawaas to lawa aw kan mgo otow no pigpansoodan to busow. Tibò din nangka-uli-an.

Mateo 7:6

Konà kow og-anti ogtubung to idù no langog su puli man ogbaliskadon to tutubung aw iyu on nasì to ogpanginmumungutan ogkagaton. Konà kow gayod og-anti ogtubung to kadlaganon su dagow madagilasan dà puli to tutubung aw iyu nasì to og-dugma-on aw sigboa.

Mateo 8:30

Na moydu-on panon to babuy no namandungaa diyà to augan no madani dà.

Mateo 8:32

Nig-ikagi si Jesus to “Na, ogkahimù man.” Dayun namakagawang to mgo busow du-on sikan pigsoodan dan no mgo otow aw pamatisood kandan diyà to ginhawahan to mgo babuy aw tinakin pamanlaguy tibò to tipanonan du-on to augan aw pamampatidaplus tibò diyà to dagat aw kangkaonod.

Marcos 5:12

Sikan mgo busow, nangamuyù ki Jesus no nig-iling to “Pasooda koy podon du-on suyà mgo babuy.”

Marcos 5:7

Kagi ni Jesus, “Ikow no busow, gawang kad du-on kandin.” Nigpangiyak kandin aw sa-og to “Wadà labot nu kanami Jesus, su Anak ka to Kinalabawan no Katuusan. Ogpamatu-udon ku to Diyus aw nangoni ku ikow to konà a nu na-ay ogpahadatan.”

Sikan Impa-ahà ki Juan 12:12

Kaling man iyu no naka-ugpà diyà to langit, pamantukhow kow on. Di aboy iyu no naka-ugpà du-on to pasak aw dagat. Agdam kow su natuwonan kow ni Satanas no magbabalatak no na-adas-adas on aw iyu on to ogpanginmumungutan su tahan din on man natagahan to mayopot on to adow din.”