Mateo 8:15 - Kasulatan to Diyus

¹⁵ Dayun pigduguk ni Jesus to buyag aw dawata to boad din. Du-on na-uli-an dayun to buyag. Nigbangun kandin aw pang-alagà to mgo bisita.

Mateo 8:15 ပူးပေါင်းရင်းမြစ်များ

Mateo 14:36

Pigpangamuyu-an dan si Jesus to igatang ogpatudi-on to mgo nangkasakit to sagyad to kabò din. To otow no nigtudì to sagyad to kabò ni Jesus, na-uli-an to sakit din.

Mateo 20:34

Na du-on kina-atan ni Jesus aw tudi-a to mata dan. Dayun du-on to na-uli-an kandan. Pagka-uli-i kan mgo pisok, namanduma on kandan ki Jesus.

Mateo 8:14

Na nigponhik kandan si Jesus diyà to baoy ni Pedro. Pagkasapat dan nakita-an dan to ugangan ni Pedro no buyag no nakahibat-hibat no nasakit no mapasù to lawa.

Mateo 8:16

Pagkahapun, pigpandaa to mgo otow no nangkasakit diyà ki Jesus aw mgo otow no pigpansoodan to busow. Nangkagawang din to busow no malituk din to kagi aw kangka-uli-i din tibò.

Mateo 8:3

Dayun pigdampon ni Jesus to otow no pig-ibung aw tinakin ikagi kandin to “Ogbo-otan ku man. Na, ka-uli-i kad on aw kalinisi kad on.” Na-uli-an on dayun to sakit to otow no ibung aw kalinisi on to lawa din.

Mateo 9:20

No diyà pad to pangindanan kandan, iyan nigsunduu kandin to buyag no moydu-on sakit no kanunoy piglabasan to langosa to sood on to sampuù tag duwa no tu-ig to pagkadawdaa din. Pigtuman din to pigginhawa din no pig-iling to “Domdom ku ko puli a makatudì to sagyad to kabò din ogka-uli-an ad on.” No pagkatudì din to sagyad to kabò ni Jesus, na-uli-an on kandin aw tigpok dayun to paglabas to langosa. Nakalingì si Jesus aw kakita-i din kan no buyag aw ikagi to “Konà ka ogkapook-pook Laginà, su na-uli-an kad on su nigsalig ka kanak to ogpakadoyow a ikow.”

Mateo 9:29

Dayun pigtudì din to mgo mata dan aw ikagihi to “Magawangan kow to sakit now agad-agad to pagtu-u now.”

Marcos 1:29

Na niglogwà si Jesus to simbahan no pigdumahan ni Santiago aw ni Juan. Nigponhik on kandan diyà to baoy ni Simon aw ni Andres.

Marcos 1:41

Na pigka-atan ni Jesus aw dampona din aw ikagihi to “Ogbo-otan ku man. Na, ka-uli-i kad on aw kalinisi kad on.”

Lucas 8:54

Dayun pigdawat ni Jesus to boad to batà aw ikagi to “Igì, bangun kad.”