Mateo 5:43 - Kasulatan to Diyus

⁴³ “In-anad on iyu no pig-iling to ‘Ogka-atan now to kadumahan now dì ogkablangon now to kablang now.’

Mateo 5:43 ပူးပေါင်းရင်းမြစ်များ

Mateo 19:19

Igtahud nu to amoy nu aw inoy nu. Oglogonan nu to kapadihu nu angod dà to paglogon to lawa nu.’ Na sikan to ogkangkatagonan.”

Mateo 5:21

Na nigsugpat si Jesus to pagpangudlin din no nig-iling kandin to “Na, nadinog now on to sugù no nadawat on to mgo minuna ta no pig-iling to ‘Konà kow oghimatoy to otow su ko oghimatoy kow, ogkapa-atubang kow aw kahimu kow no himatayanan.’

Mateo 5:27

“In-anad iyu mandà to likat to minuna ta no pig-iling to ‘Konà kow oghilabot to duma.’

Santiago 2:8

Na madoyow podon ko tumanon now to sugù to Diyus no nasulat on no kamatu-udan no pig-iling to “Oglogonan now to kapadihu now angod to paglogon to lawa now.”

1 Juan 4:21

Aw so-idi to sugù din ita, to otow no oglogon to Diyus, ogkalogonan din gayod to mgo duma din.