Mateo 5:3 - Kasulatan to Diyus

³ “To otow no og-abin to kandin, makasasaà, ogkaliyag su ogpakasood kandin to pigsakupan to Diyus.

Mateo 5:3 ပူးပေါင်းရင်းမြစ်များ

Mateo 11:25

Na du-on kan no uras nig-ampù si Jesus to Diyus no nig-iling kandin to “Amoy no Magbobo-ot to langit aw pasak, ogpasalamat a ikow su pig-ukasan nud on to nama-anan nu to mangka-intok no otow. Dì pighobongan nud on to mgo mangka-aslag no mgo otow bahin to Madoyow no Tutuwanon bahin to pagsakup to Diyus.

Mateo 11:6

To otow no wadà ablayanan din to pagtu-u din dini kanak, ogkaliyag dà su kanunoy din ogtagadan to insahad to Diyus.”

Mateo 13:16

Dì iyu no sakup ku, ogkaliyag kow su ogpakakita kow man aw makadinog.

Mateo 19:14

Dì nig-iling si Jesus to “Ayaw now balataka to mgo batà. Paduguka now nasì dini kanak. To sinakupan to Diyus, iyan ogka-angodan sikan mgo batà no mgo hanuut.”

Mateo 24:46

Ogkaliyag lagboy kan no sakup su to impahinang kandin to mata-as din, to pag-ulì din, natuman din on tahan.

Mateo 25:34

Dayun og-ikagi a no harì du-on sikan dini to kalintu-u ku to ‘Na iyu no napanalanginan to Diyus no Amoy ku, kunto-on ogtu-unon now to ugpa-anan diyà to pigsakupan din su pighina-atan kow ontahan to Diyus likat to paggihit din to kalibutan

Mateo 3:2

“Og-oyowan now on to katahani now no bugtì su konà no maugoy ogkatuman to pagsakup ita to Diyus!”

Mateo 8:11

Konà now ogkalingawan to kagi ku diyà iyu su to mahudi no adow iyan ogmutmutan to kahan-ingan no nakalogob to binogdokan to langit no ogpagsau to pagko-on ni Abraham aw ni Isaac aw ni Jacob no minuna ta diyà to pigsakupan to Diyus.

Marcos 10:14

Pagkataga ni Jesus to pigsasapadan dan podon, naboù kandin aw iling kandin diyà to mgo sakup din to “Ayaw now balataka to mgo batà. Paduguka now dini kanak su to sinakupan to Diyus, iyan ogka-angodan sikan mgo batà no mgo hanuut.

Lucas 11:28

Naka-ikagi si Jesus to “Ogkaliyag nasì to ogpaminog to kagi to Diyus aw tumana.”

Lucas 18:14

Na, ognangonan ku iyu to tawoy kan magsusukut to buhis no wadà tu-u to katahanan, na-uyunan nasì to Diyus. Dì to Parisiyu, wadà man ka-uyuni kandin. To otow no ogpalabow, ogsagkop nasì. Dì to ogpasagkop, ogpakalabow nasì.”

Lucas 22:29

Moydu-on ogpasakupan kanak to Amoy ku. Iyu gayod, moydu-on ogpasakupan ku iyu

Lucas 22:30

awos ogpamango-on kinow aw pamang-inom diyà to ogsakupan ku, aw iyu, ogpasakupan ku iyu to sampuù tag duwa no mgo panon to mgo Isrili.”

Lucas 4:18

“Impa-abut ad to Ispiritu Santu to Magbobo-ot su pigmatu-ud ad no pigpilì din to ogpasabut to Madoyow no Tutuwanon to mgo kasagkopan no mgo otow. Pigpa-andini a din su ogpasabukan din kanak to mgo otow no nangkapirisu, aw to mgo pisok, ogpang-ulimanon ku. Mgo nangkada-og-da-og, ogpambuligan.

Juan 20:29

Naka-iling si Jesus to “Dow nakatu-u kad on buwa su nakita-an a nud on no pigbuhoy on? Dì to otow no ogtu-u kanak agad wadà a din pad kakita-i, ogkaliyag kandin.”

Santiago 1:10

Na to tumutu-u gayod no datù, ogtukhow podon su to pagsalig din to kadatù, pigwadà to Diyus su ko wadà din ipawadà to pagsalig din du-on to kadatù din, iyan ogka-angodan din to bulak-bulak no bagnot no niggitì puli no madaas dà ogkawadà.

Santiago 1:12

Na ogkasayà to otow no agad malisodan kandin dì nasì din on pigtibuus to ginhawa aw pagkabogoy kandin to Diyus to pa-antihan to pagtu-u din, wadà din panunuwa to pagtu-u, nasì pighogot to pagtagon din. Ogpakadawat kandin to kinabuhì no konad ogkawadà su ingkasahad on sikan to Diyus diyà to tibò no niglogon kandin.

Santiago 2:5

Na mgo kasu-unan ku, konà now ogkalingawan to pigpilì on to Diyus to mgo nawada-an no mgo otow no oghimuhon din no ogkamoydu-onan to dakoo no pagtu-u aw ogpakasood to pigsakupan din su insahad din on diyà to mgo otow no niglogon kandin.

Sikan Impa-ahà ki Juan 19:9

Na pig-ikagihan a mandà to diwata to “Na, ogsulaton nu so-idi ‘Maliyagon to mgo otow kotob to nangka-abisuhan to pagsauhan sikan Nati to Karniru.’” Aw pigsugpatan din to pag-ikagi no pig-iling to “To impamalikwad ikow no impasulat, tibò, tùtu-u no kagi to Diyus.”

Sikan Impa-ahà ki Juan 22:14

Nangkaliyag tibò no namanlaba to kabò dan awos pumutì no iyan ogpagawang to saà awos mabogayan kandan to panalangin to kayu no makagbuhoy no sikan kinabuhì, konad ogkawadà aw kabogayi kandan to pagpasood to soodanan to lunsud to Diyus.

Sikan Impa-ahà ki Juan 3:17

Ogbinansag kow no og-iling kow to “Datù a, madoyow on to kabotang ku. Wadad pigboong ku.” Dì ka-atanan kow pad nasì su wadà now katagahi to ma-intok dà to pagtu-u now aw ma-intok gayod to domdom now. Nawada-an kow on nasì aw napisok kow aw nalobasan kow su wadà paghimu now no madoyow.