Mateo 3:5 - Kasulatan to Diyus

⁵ Dì nadudugukan si Juan to ka-otawan no nigmutmut to Hirusalim aw duma pad no kalunsudan diyà to pigsilugan to Hurdan no wohig no ogpaminog to pagpangudlin din.

Mateo 3:5 ပူးပေါင်းရင်းမြစ်များ

Mateo 2:1

Na diyà i-anak si Jesus to lunsud to Bitlihim no prubinsiya to Hudiya todu-on timpu to pagharì ni Hirudis. Pagka-anak ki Jesus nigsilat to bayà no bitu-on diyà dapit to silatan. Na moydu-on mgo otow no manilatan no nangkama-an to kadodoog to mgo bitu-on no nig-indan to pagsilat kan bayà no bitu-on. Pagkakita dan, nighipanow on kandan no ogtu-ud diyà to nalongodan to pigbandogan kan no bitu-on su pigma-an kandan to Diyus to sikan no bandog to innangon kandan dow ando-i ig-anak to harì to mgo Hudiyu no mgo otow. Na nigdatong kandan diyà to Hirusalim no lunsud no pig-ugpa-an ni Harì Hirudis no madani dà to oot to Bitlihim no lunsud. Pagdatong dan, namangusip-usip kandan to mgo ka-otawan to

Mateo 4:25

Kaling man mahan-ing to ka-otawan no nigdumduma kandin likat to Galiliya, Dikapulis, Hirusalim, Hudiya, aw diyà pad dihipag to Hurdan no wohig.

Marcos 1:5

Na tibò to mgo ka-otawan, namanmutmut to prubinsiya to Hudiya aw lunsud to Hirusalim no namanduguk ki Juan no diyà to Hurdan no wohig, aw pamabonyag kandan no naman-abin gayod kandan to saà dan.

Lucas 16:16

“Na impatuman to Diyus to ka-otawan to kasugu-an ni Moises aw kasulatan to duma no mgo maglilikwaday to Diyus hantod to si Juan on to pigpalikwad. Likat to paglikwad ni Juan no Magbobonyagay sikan Madoyow no Tutuwanon bahin to madaas og-abut to pagsakup to Diyus, mgo otow nigpogos podon to ogdangon to pagsakup to Diyus agad-agad to kandan dà no napikiyan.

Lucas 3:3

Si Juan, piglogob din to mgo banwa diyà to pigsilugan to Hurdan no wohig aw pangudlin to ka-otawan to kandan, ogpakasosoo to paghimu dan no mado-ot aw oyowi, aw bonyagi din diyà to wohig awos mapasaylu to Diyus to saà dan.

Lucas 3:7

Na to pagpangudlin ni Juan to ka-otawan, namutmutan dan kandin su ogpamabonyag kandan. Dì moydu-on gayod mgo namanpakunon-kunon no mgo otow to ogpasakup kandan to impang-anad ni Juan su puli podon kandan ogpabonyag. Dì nig-ikagi si Juan to “Iyu tibò no mgo otow, iyan ogka-angodan now to uwod su puli kow malaguy-laguyon to kahadokanan. Nokoy man no puli kow ogpapatiwoy to kaboù to Diyus to mahudi no adow dì wadà kow makasosoo to katahani now no bugtì aw oyowi.

Juan 3:23

Angod dà gayod diyà to Inun Salim su si Juan, pigpambonyagan din gayod to mgo ka-otawan no nigpasakup to impang-anad din su moydu-on man wohig du-on no litos to ogkabonyagan.

Juan 5:35

Si Juan, iyan ogka-angodan din to ilawan no og-andidiyow su pigpapayagan kow din to pagsabut din bahin to impang-anad din. To so lingonngon naliyagan now aw tukhawi to kandin pagbandog.