Mateo 3:17 - Kasulatan to Diyus

¹⁷ Nadinog to kagi likat to langit no na-iling to “Sikan to Anak ku no nalogonan ku lagboy no naliyagan kud lagboy.”

Mateo 3:17 ပူးပေါင်းရင်းမြစ်များ

Mateo 12:18

So-idi to impasulat ki Isaias to Diyus no pig-iling to. “So-idi to timbang ku no pigpilì no nalogonan ku no naliyagan ku lagboy no ogpatumanon ku to pagbo-ot ku su ogbogayan ku kandin to Ispiritu Santu, aw kandin gayod ogpabobo-oton ku to nigsingkabugtì no mgo otow.

Mateo 17:5

No malituk ni Pedro tinakin to nasaungan kandan to gabun no ogsilawon kandan to pag-ahà. Na du-on nadinog dan to kagi no niglikat to gabun no na-iling to “So-idi to nalogonan ku lagboy no Anak ku no naliyagan ku lagboy. Kandin to ogpaminogan now.”

Marcos 1:11

Nadinogan to mgo otow du-on to kagi no niglikat to langit no pig-iling to “Ikow to nalogonan ku lagboy no Anak.”

Marcos 9:7

Na nasaungan kandan to gabun. Nakadinog kandan to kagi no du-on makapu-un to gabun no na-iling to “So-idi to nalogonan ku lagboy no Anak. Ogpaminogan now kandin.”

Lucas 3:22

aw nigbunsud du-on kandin to Ispiritu Santu no iyan na-angodan to salapati no ta-un nadinog dan to kagi likat to langit no na-iling to “Ikow to nalogonan ku lagboy no Anak aw kaliyagi kud lagboy ikow.”

Lucas 9:35

Nakadinog kandan to kagi no nakapu-un du-on to gabun no na-iling to “So-idi to Anak ku no pigpilì kud no ogpatumanon ku to pagbo-ot ku. Ogpaminogan now kandin.”

Juan 5:20

su tukhawanan to Diyus to Anak din aw igpa-ahà din to Anak to pighimu din tibò. Na mabogbog pad to igpakita din kandin no igpahimu din su awos maboong-boongan now.

Juan 5:37

Diyus no Amoy no nigpa-andini kanak, iyan nigmatu-ud lagboy to kanak katondanan. Konà now ogkadinog ko og-ikagi kandin. Konà now gayod ogkakita-an to lawa din.

Taga-Ipisu 1:6

Masayà tanow to Diyus su pighungyaman ki din likat to kabo-ot din no na-uyunan kid to Anak din no nalogonan din.

Taga-Kulusas 1:13

Pigpagawang ki din du-on to pigsakupan no nadigloman aw halina ki diyà to ma-awang no pigsakupan to Anak din no nalogonan din

2 Pedro 1:17

Su aag koy nakaduma kandin du-on sikan untud no pighimuhan to kaboonganan no konà noy ogkalingawan no pigmatu-ud to Diyus to si Jesus no Anak din aw tahuda din su impadinog kanami to kagi no niglikat diyà to langit no kagi to Diyus no Amoy no kinalabawan no ampu-onon, no pig-iling to “So-idi to nalogonan ku lagboy no Anak no naliyagan ku lagboy.”

1 Juan 5:9

To ogmatu-udon to otow, ogkatu-uhan ta. Dì labow pad to pagkasalig ta to ogmatu-udon to Diyus no pigmatu-ud din to si Jesus, Anak din.

Sikan Impa-ahà ki Juan 14:2

Dayun nadinog kud to kagi no niglikat diyà to langit no iyan na-angodan to sampow no maliyapa aw angod to pang-aog-og to lugung. Na to kagi no nadinog ku, iyan na-angodan gayod to mahan-ing no namanpatanug to kablitonon dan