Mateo 25:9 - Kasulatan to Diyus

⁹ Namakatabak kan mgo daga no mangkapikii, ‘Konà ogkahimù su litos noy dà puli. Boli kow on nasì diyà to tindahan.’

Mateo 25:9 ပူးပေါင်းရင်းမြစ်များ

Mateo 10:16

“Ogpatubuson ku iyu kunto-on to pagpangudlin to mgo otow no bugtì to mgo ginhawa su iyan ogka-angodan now to buhì no nalibongan on to mamang. Na kaling man, bahin to mado-ot, ogdowdoyow kow no ogpa-angod kow to kadlaganon to ka-idla, dì ogpa-angod kow gayod to limukon to ka-ungangon.”

Mateo 25:2

Sikan mgo daga, piglogoban kandan to ilawan. Lima no ka-daga, mangkapikii su pigdakoo dan tahan to gaas dan. Dì kan lima no mgo duma dan no mgo daga, mgo dagbow to pikii su wadà dan hina-ati dakoa to gaas dan.

Mateo 25:8

Namaka-i-ikagi kan mgo daga no dagbow to pikii, ‘Dugangi koy ubag to gaas su oghaong-haong on so-idi kanami ilawan.’

Mateo 7:24

“To otow no ogpaminog to kagi ku aw tumana din, iyan ogka-angodan din to mapandoy no maghihimu to baoy. Ogdaomon din to pagkali kotob no iyan ogkapanggadan to batu su du-on din on ogpa-ukdangon to baoy.

Mgo Hininang 8:22

Na, ogsosoo ka pad na-ay aw oyowid to mado-ot no napikiyan nu aw pangamuyù ka to Diyus ko dagow pasayluhon ka dà to napikiyan nu no mado-ot.