Mateo 24:27 - Kasulatan to Diyus

²⁷ Su konà now man oglamanon ko lumogwà ad no Tumutubus to Ka-otawan su mapayag dà, su pag-andini ku iyan ogka-angodan to kiblat to kilat no oglikat to silatan aw oglanyagan hantod to saopan su ogkakita-an to tibò.

Mateo 24:27 ပူးပေါင်းရင်းမြစ်များ

Mateo 16:27

Moydu-on adow no ig-andini ku no Tumutubus to Ka-otawan no ogdumahan to mgo diwata aw katuusan to Diyus no Amoy ku. Kayan pana ogbaosan ku to mgo otow agad-agad to nangkahimu dan.

Mateo 16:28

Moydu-on mgo otow kani no monang ogkamatoy ko ogkasakpanan pad to pagdatong to pagsakup ku no Tumutubus to Ka-otawan.”

Mateo 24:26

“Ko og-ikagi kandan to ‘Diyad on to kahanongan no banwa kan Imananan to Ka-otawan,’ konà kow og-andiyà. Ko og-ikagi gayod to ‘Du-on on to baoy no nakasood on dì nighobong,’ konà kow ogtu-u.

Mateo 24:3

Na nig-andiyà kandan si Jesus to Ulibu-an no untud. No pagtidow dan nig-ingkud si Jesus no sobu-ukon aw namanduguk to mgo pangabaga din no awos tongopan dan to pag-ikagi. Namang-iling kandan diyà ki Jesus to “Dow kagan-u ogkagotò to pagkalompag to labow no simbahan. Nokoy to indananan noy to pag-ulì nu dini aw katapusanan to kalibutan.”

Mateo 24:37

To umulì a no Tumutubus to Ka-otawan, to kadodoog to mgo otow iyan ogka-angodan to timpu to pag-ugub to dagat to kalibutan natodu-on, su kandan dà aw si Noe to nigtu-u to ogkatuman to pag-ugub to dagat su agad innangon on ni Noe tahan to ka-otawan dì wadà dan tu-uhi.

Mateo 24:39

Dì to mgo otow, monang on namakadaag kandan to nagotò on to adow no nalinop on su wadà dan man tu-uhi aw kaponas tibò su puli natokawan. Kanak no Tumutubus to Ka-otawan, ogpaka-angod a dà su to umulì a dini to kalibutan, konà a ogka-iman to mgo otow.

Mateo 24:44

Kaling man hina-at kow su ogkatokawan kow to pag-ulì ku no Tumutubus to Ka-otawan.

Mateo 8:20

Nig-ikagi si Jesus to “Agad mgo katuyù, dì moydu-on dà bullug dan ugpa-anan no ogkalukuhan aw mgo manuk-manuk, moydu-on dà gayod bullug dan ugpa-anan no ogkahapunan. Dì kanak no Tumutubus to Ka-otawan, agad ando-i a to makasigkon.”

Santiago 5:8

Ita gayod, angod dà su oghogoton ta to pagtu-u ta no pagminatuwadong ta to pagtagad ta su madaas og-andini to Magbobo-ot ta.

2 Pedro 3:4

aw og-iling kandan to “Ando-i buwa to Imananan now. Insahad din to og-ulì dini. Dow kagan-u buwa to kabigtawanan to insahad din. Naugoy on nangkamatoy to ka-aw-apu-an ta. Dì likat to paggihit so-idi kalibutan, wadà pad man pighalinan.”