Mateo 21:34 - Kasulatan to Diyus

³⁴ Pagbogas on to kaparasan pigpa-andu-on to tagtu-un to mgo sugu-onon din awos pasukuton din podon to kandin bahin.

Mateo 21:34 ပူးပေါင်းရင်းမြစ်များ

Mateo 21:35

Dì wadà dan bogayi. Pigdakop dan nasì to songo bu-uk aw bunayi. Pighimatayan to songo bu-uk aw dogpaka to batu to songo bu-uk.

Mateo 21:38

Dì pag-abut to anak din no sinugù to ogpasukuton to bahin din podon, namaka-ikagi kandan to ‘So-idid on iyan to anak to mata-as ta. Iyan on ogkahimu no tagtu-un to kaparasan ko mamatoy on to amoy din. Nokoy pad to ogtagadan ta. Kuwà kid on. Oghimatayan tad awos ita on nasì to ogpakatu-un to kaparasan.’

Mateo 21:40

“Na pagdatong kan tagtu-un to kaparasan, og-amonuhon din buwa kan mgo otow no nigbantoy kan paras din.”

Mateo 21:41

Namakatabak kandan to “To mgo otow no dakoo to saà, pigponas din aw ipa-uyamu din on to duma no mgo otow no matuwadong no ogbogoy to bahin diyà to tagtu-un ko og-abut to paras.”

Mateo 22:3

To mgo sakup din no diyà to songo lunsud, pigpamatawagan din awos makaba-ot to pagsauhan no pighimu to harì. No magotò on to adow no pagsauhan, impamahimun din to sugu-onon din to mgo pigpamatawagan din podon. Dì kandan, naman-oyow.

Marcos 12:1

Na impananglitan mandà ni Jesus to mgo ka-otawan no nig-iling to “Moydu-on otow no nigtanom to paras. Pig-aad din to paras. Pighimu din gayod du-on to ligisan to bogas to paras. Pighimu din gayod du-on to pinayag to otow no ogbantoy to paras din. Pigpa-uyamu din to paras to mgo otow no puli huwag-on to pag-ugpà. Dayun nighipanow kandin diyà to songo banwa.

Marcos 12:7

Na nigdatong to anak din diyà to pigtanoman to paras. Pag-abut din, naman-iling kan mgo otow no nig-uyamu to paras to ‘So-idid to anak to mata-as ta. Ogkahimu kandin no tagtu-un. Nokoy pad to ogtagadan ta. Oghimatayan tad. Kahimu kid no tagtu-un.’

Marcos 12:9

“Na, amonuhon buwa kan tagtu-un. Pig-andiya-an din to pigtanoman din to paras aw panghimatayi din tibò kan mgo otow no pigpa-uyamu din to paras aw ipa-uyamu din to duma no mgo otow.”

Lucas 20:9

Na, impananglitan ni Jesus to pagpang-anad din to ka-otawan no nig-iling to “Moydu-on otow no nigtanom to paras. To pigpa-uyamu din to tanom to mgo otow no puli huwag-on to pag-ugpà. Dayun nighipanow on kandin diyà to songo banwa no og-ugpa-an din to maugoy.