Mateo 20:20 - Kasulatan to Diyus

²⁰ No wadà pad datong diyà to Hirusalim, dinuguk si Jesus to asawa ni Sibidiyu no pigdumahan to anak din no si Santiago aw si Juan. Nigluhud kandin diyà to atubangan ni Jesus su moydu-on ogpangamuyu-on din.

Mateo 20:20 ပူးပေါင်းရင်းမြစ်များ

Mateo 10:2

Tugdow si Simon no pighingadanan gayod ki Pedro. To mgo ngadan to duma no tumutubus ni Jesus, si Andres no hadi ni Pedro, aw si Santiago no nigpatahadi aw si Juan no iyan amoy dan si Sibidiyu.

Mateo 14:33

Du-on namakaluhud kandan aw ampù kandan ki Jesus aw naman-ikagi to “Tùtu-u ka iyan no Anak to Diyus!”

Mateo 15:25

Dì nigduguk nasì to buyag aw luhud, aw ikagi kandin to “Magbobo-ot, buligi a nud on ubag.”

Mateo 2:11

Pagdatong dan, namanponhik kandan aw kakita dan to batà aw si Maria no inoy din. Namanluhud kandan aw tahud-tahuda dan to batà. Dayun pig-ukbahan dan gayod to kinaban-kaban aw butbuta to bobogoy dan to batà no buwawan aw palina no mahal aw mgo pahomut.

Mateo 27:56

Iyan ngadan dan si Maria no taga-Magdala, aw si Maria no inoy ni Santiago aw ni Jose, aw asawa ni Sibidiyu.

Mateo 28:17

No ipaghitagbu dan si Jesus namakaluhud kandan aw maka-ampù dì naba-otan dà gayod du-on to wadà tu-u to si Jesus iyan sikan no pigbuhoy on.

Mateo 4:21

Na pag-u-ugsud ni Jesus nakita-an din mandà to songo nigpatahadi gayod aw du-on gayod to amoy dan. Iyan ngadan to kakoy si Santiago. Iyan ngadan to hadi si Juan. Iyan ngadan to amoy dan si Sibidiyu. Namandowdoyow kandan to pukut du-on to bautu. Na pigtawag ni Jesus kan nigpatahadi awos pumasakup du-on kandin.

Mateo 8:2

Na moydu-on otow no pig-ibung, no pagkita din ki Jesus, nigduguk kandin aw luhud aw ikagi to “Sir, ko pagbo-ot nu to ogka-uli-an a nu, ogka-uli-an a dà man aw kalinisi a.”

Marcos 15:40

Na moydu-on gayod mgo buyag no namanbantow puli to pag-ahà. Sikan mgo buyag, mgo sakup gayod ni Jesus. Namanduma kandan ki Jesus diyà to Hirusalim. Ton diyà pad si Jesus to Galiliya, kandan to nig-alagà kandin. Iyan ngadan dan si Maria no taga-Magdala, si Salumi, si Maria no inoy ni Jose aw ni Santiago no piggoan ki Batà. Moydu-on pad duma no mgo buyag no namanduma ki Jesus diyà to Hirusalim.