Mateo 20:11 - Kasulatan to Diyus

¹¹ Pagkadawat dan to bayad kandan, namankiyaw-kiyaw kandan diyà to magbobo-ot to kaparasan to wadà dugangi to na-uyunan dan tahan no bayad kandan.

Mateo 20:11 ပူးပေါင်းရင်းမြစ်များ

Mateo 20:10

Pagkahimun to una no nigtalabahu, intobo-ot dan dow labow-labow pad to ogkadawat dan du-on to pig-uyunan dan. Dì wadà man su pagbayad kandan, iyan dà pig-ontopan to na-uyunan dan no tag songo sapì.

Mateo 20:12

Kagi dan, ‘Songo uras dà man to pagtalabahu to mangkahudi. Dì pigpag-unawa nu dà to pagbayad kanami tibò agad kanami no naka-una aw kaboad koy pad lagboy to soga aw puguti koy to adow to pagkagukù to pagpangotu to paras.’

Marcos 14:5

Ko imbaylu pa podon sikan to sapì, agad pila no gatus buwa to kantidad. Madoyow pad podon ko igbogoy diyà to mgo publi.” Impapanagda to mgo ka-otawan kan buyag.

Lucas 15:2

Dì to mgo Parisiyu aw duma no mag-a-anad to tinu-uhan to mgo Hudiyu, naman-ina-ina no namang-iling to “Sikan no otow, ogdawaton din to agad mgo otow no wadà tu-u to katahanan ta aw ogpagsau kandan gayod.”

Lucas 19:7

Dì pagkakita to kahan-ingan, nabaaw-baawan dan si Jesus aw ikagi to “Nokoy man buwa no nigduguk si Jesus to otow no wadà tu-u to katahanan ta.”

Lucas 5:30

Dì to mgo mag-a-anad to tinu-uhan to mgo Hudiyu aw mgo Parisiyu no matagon-tagonon gayod to kandan katahanan, pigpandiyampà dan to mgo pangabaga ni Jesus. Naman-ikagi kandan to “Nokoy man no kanunoy kow ogpagdongan to pagko-on aw pag-inom kow to mgo magsusukut to buhis aw duma pad no mgo otow no wadà tu-u to katahanan ta no wadà ka-uyuni to mgo punu-an ta.”

Juan 6:41

Na sikan mgo Hudiyu no mangkatagon-tagonon to kandan katahanan, nigka-inusipay kandan bahin ki Jesus no nigminus su nig-ikagi kandin to “Kanak no niglikat to langit to igkabuhì to mgo otow dini.”

Juan 6:61

Dì si Jesus, nama-anan din on to pagminus dan aw ikagi kandin to “Nokoy man no naboong-boongan now kan no impang-anad ku aw igkabungkù now on buwa sikan to pagtu-u now.

Mgo Hininang 13:45

Dì moydu-on mgo Hudiyu no nado-otan du-on ki Pablo aw ki Bernabe su mahan-ing to nigpaminog to kandan impang-anad. Pigsupak dan to innangon ni Pablo aw ina-inaha dan kandin.

1 Taga-Tisalunika 2:16

su pigbalatak koy to mgo Hudiyu to pagpasabut noy to kagi to Diyus diyà to mgo otow no konà no Hudiyu awos maluwasan kandan. Na-abayan kan mgo Hudiyu nadugang-dugangan to saà dan su nigbalatak man kanami no nigpasabut to kagi to Diyus diyà to duma. Dì pighina-at on to Diyus to igbaos din kandan.

Judas 1:16

Sikan mgo otow no napa-atubangan ni Enoc to kagi din, mangka-ina-inahon kandan no mgo otow aw mangkatibagutbut. Iyan dà ogtumanon dan to kandan ibog. Ogsaya-on dan to tu-un dan dà no lawa. Ogsaya-on dan gayod to duma awos ogkalomhokan to kandan ka-uswagan.