Mateo 18:24 - Kasulatan to Diyus

²⁴ To tugdow no pigtawagan din, pagbalansi din moydu-on utang din no pila no maan.

Mateo 18:24 ပူးပေါင်းရင်းမြစ်များ

Mateo 18:23

“Na to pagsakup to Diyus, iyan na-angodan to songo harì no nigbalansi to mgo utang to mgo sakup din.

Mateo 18:25

Dì wadà din kabayadi. Impabaligyà din podon sikan no songo minyò no udipon din tibò aw katu-unan dan tibò awos mabayadan to tibò utang din.

Mateo 25:15

Sobu-uk, pigbogayan din to lima no ka-bahin. Sobu-uk gayod, pigbogayan din to daduwa no ka-bahin. Songo bu-uk gayod, pigbogayan din to songo bahin dà. Pigpamogayan to mata-as to tag songo bu-uk aw og-ontopan agad-agad to kandan ka-omot to pagboli aw pagbaligyà dan.

Mateo 25:16

Pagkatapus din to pagpamogoy, nighipanow on kandin. Sikan pigbogayan to lima, nigpa-omot dayun aw boli aw baligyà aw nadugangan to lima.

Mateo 25:20

Sikan nabogayan din to lima no ka-bahin, pigpaduguk aw ipadaa gayod to nakadugang no lima. Kagi din, ‘Sir, pigbogayan a nu to lima no ka-bahin. Nadugangan to lima.’

Mateo 25:22

Na pigpaduguk mandà kan nabogayan to daduwa no ka-bahin. Kagi din, ‘Sir, pigbogayan a nu to daduwa no ka-bahin. Nadugangan on gayod to daduwa.’

Mateo 25:24

“Bali no pigpaduguk din gayod to pigbogayan to songo bu-uk dà no bahin. Kagi din, ‘Sir, puli ku inlobong kan imbogoy nu kanak su nakadok a ko matampodan to kadatù nu su lagboy nu man igpa-ung to sugù nu su agad wadà nu i-odok, dì moydu-on dà ogka-ani nu. Agad wadà nu kapasidi, dì moydu-on dà igkabotang nu no bogas.’

Lucas 13:4

Sikan gayod sampuù tag wau no nangkamatoy no pigdo-ogan to pinatudoy no batu no matikang no bantayanan no napood diyà to longod to Siluwi no linow, dow intobo-ot now buwa dow madakoo pad to saà dan diyà to duma no taga-Hirusalim?

Lucas 16:5

Dayun pigpantawag din to moydu-on mgo utang diyà to mata-as din. Nig-iling kandin diyà kan tugdow to ‘Man-u buwa to utang nu diyà to datù.’

Lucas 16:7

Na pig-usip mandà to duma to ‘Man-u buwa to utang nu diyà to datù.’ Nigtabak kandin to ‘Lima no gatus no ka-saku to bogas.’ Nig-iling mandà to nigbantoy to sapì to ‘So-idid to kamatu-udan to pagsasabut. Ilisi nud to kamatu-udan aw isulat du-on to upat dà no gatus no saku to utang nu.’