Mateo 13:41 - Kasulatan to Diyus

⁴¹ su kanak no Tumutubus to Ka-otawan, igpagawang ku to mgo diwata kan mgo otow no mangkado-ot to hinang aw agad nokoy no igkasaà to mgo otow du-on to pigsàkupan ku.

Mateo 13:41 ပူးပေါင်းရင်းမြစ်များ

Mateo 13:49

To mahudi no adow to katapusanan to kalibutan, sikan mgo diwata to Diyus, ogpaka-angod kan, su ogpagbugti-on dan kan mgo mangkadoyow no mgo otow aw kan mangkado-ot.

Mateo 18:7

Tahan to otow dini to babow to kalibutan no ogbogayan to pa-antihan dow ogpakasaà dì aboy to otow ko ogpasaa-on din to duma.”

Mateo 24:31

To mgo sakup ku tibò no pig-abin kud on tahan, igpahimun ku to mgo diwata likat to Diyus to pagpatanug to budyung. Ogmutmutan to mgo sakup ku to binogdokan to langit.

Mateo 3:12

Na to ogpakasukoli kanak, imomo-ot din oglinisan to gi-okanan su oghimunon din to tipaoy aw ibotang diyà to botanganan. Dì to uhut, ogsangabon to kayu no wadà kaposokanan.”

Mateo 8:20

Nig-ikagi si Jesus to “Agad mgo katuyù, dì moydu-on dà bullug dan ugpa-anan no ogkalukuhan aw mgo manuk-manuk, moydu-on dà gayod bullug dan ugpa-anan no ogkahapunan. Dì kanak no Tumutubus to Ka-otawan, agad ando-i a to makasigkon.”

Marcos 13:27

To mgo diwata likat to Diyus, ogpahimunon ku to mgo sakup ku no pig-abin kud on tahan no ogmutmutan dan to binogdokan to langit.”

Taga-Ruma 2:16

Su ogpapalumbayagon dà to adow to pagbo-ot to Diyus no ogpabaya-an si Jesu-Kristu agad-agad to kanak pagpasabut.

Hibriyu 1:14

su to katondanan to mgo diwata to Diyus, mgo katuusan no puli dà pigpatandù to Diyus to mgo otow no sakuponon din no oglipwasan.

Sikan Impa-ahà ki Juan 21:27

Dì to mado-ot, wadà ogtugutan no ogpasoodon du-on aw mgo og-ampù to konà no Diyus aw gau-on no otow, konad ogpasoodon du-on. Iyan dà ogpakasood du-on to mgo otow no nasulat on to ngadan dan du-on to listahan to moydu-on on kinabuhì no konad ogkawadà no ogpantuuson to Nati to Karniru.