Mateo 12:30 - Kasulatan to Diyus

³⁰ “To otow no konà ogduma kanak, iyan nasì ogkablang kanak. To otow no konà ogbulig kanak no ogpanghimun to nig-abut, iyan nasì ogpangkanat to nahimun on no nig-abut.

Mateo 12:30 ပူးပေါင်းရင်းမြစ်များ

Mateo 12:29

“Na to kawatan, konà ogpakasood to baoy to otow ko mabuut to tagbaoy aw makapudut to katinguban din ko konà pad mada-og to tagbaoy. Dì ko mada-og to tagbaoy, kayan pana ogkapudutan kandin to katinguban din.

Mateo 6:24

“Na to otow, konà no ogkahimu no daduwa to pigtagonan din su kan sobu-uk, ogkablangon din aw kan sobu-uk, iyan on ogpa-aag-aagon din. Matinumanon gayod kandin diyà to sobu-uk, matuu kan sobu-uk, og-oyowan su nigsabaag on to pagdomdom. Konà ta ogpagtokapon to pagtagon ta, Diyus aw kadatù.

Marcos 9:40

Su to otow no konà ogbalatak ita, ogduma sikan ita.

Lucas 11:23

“Na to konà ogduma kanak, iyan ogkablang kanak nasì. To otow no konà ogbulig kanak no ogpanghimun to nig-abut, iyan nasì ogpangkanat to nahimun on no nig-abut.”

Lucas 9:50

Nig-iling si Jesus to “Konà now ogsapadan kandin, su ko konà ogbalatak kandin ita, ogduma sikan ita.”

Juan 11:52

Dì konà no mgo Hudiyu dà to ogkatubusan su tibò to mgo ka-otawan no nahilatag-latag dini to babow to kalibutan no ogpasakup to Diyus no agad otow no konà no Hudiyu no wadà makalabot kandan to Diyus natodu-on, dì ogkahimun aw ogkasobu-uk dà kandan. Sikan to napa-atubangan to ingkapalituk ki Kaipas no kagi.

1 Juan 2:19

Sikan mgo kablang ni Jesu-Kristu, konà ta no tùtu-u no su-un. Kaling man nananggawang kandan dini ita. Su ko tùtu-u podon no su-un ta, wadà podon pamanggawang kandan dini ita. Dì iyan inggawang dan dini ita su awos ogkapayagan to kandan, konà ta no tùtu no su-un.