Mateo 11:14 - Kasulatan to Diyus

¹⁴ Impanag-an to mgo maglilikwaday to ogpa-ulì iyan si Elias dini no ogpa-unahon to Imananan to Ka-otawan awos humina-at to igbayà din. Ko matu-uhan now, si Juan sikan iyan si Elias no pig-imanan ta to og-andini.

Mateo 11:14 ပူးပေါင်းရင်းမြစ်များ

Mateo 11:13

su nama-anan dan to ogkatuman to mahudi no adow to pagsakup to Diyus no natitibo-an to pagtag-an ni Moises aw duma pad no maglilikwaday no lagsoban to Diyus hantod to paglogwà ni Juan no Magbobonyagay.

Lucas 1:17

Kandin, ogpaka-una to Magbobo-ot awos mahina-at din to pagdatong to Magbobo-ot su ogpamasabuton din to ka-otawan angod dà ki Elias no mabogbog no maglilikwaday to Diyus natodu-on su ogkasoodan gayod kandin to Ispiritu Santu. Ogpagdaagon din to mgo amoy aw mgo batà. Mgo otow gayod, agad pig-oyowan dan to pagdomdom to Diyus, dì ogpapa-uli-on din kandan to pagdomdom diyà to Diyus su awos mahina-at to kasinakupan no ogkaliyagan to Magbobo-ot ta.”

Juan 16:12

Na nig-ikagi mandà si Jesus to “Na, moydu-on pad igkanangon ku iyu podon dì konà kow pad ogpakatuwa-ay kunto-on.

1 Taga-Kurintu 3:2

Ton pagpang-anad ku diyà iyu, iyan na-angodan to ko-onon no konà no makogaa. Wadà ku pako-ona iyu to ko-onon no makogaa. Dì gatas nasì no iyan kalitukan to mababow no impang-anad ku, sikan dà to konà no ig-okod iyu su bayà kow pad namantu-u. Dì agad hantod kunto-on, no nigtulin kow on podon dì kkonà ku pad igpako-on iyu to makogaa su iyu, iyan na-angodan now pad to batà no maumbù pad

Sikan Impa-ahà ki Juan 20:4

Na nakita-an ku to mgo pangkà no pigpang-ingkudan to pigpamabo-ot. Nakita-an ku gayod to umagad to mgo otow no pigtampodan to li-og su nigpamasabut kandan bahin ki Jesus aw tagon to kagi to Diyus aw wadà kandan pamang-ampù ton mamang no magsisibad aw sikan pighimu no imo-ot kandin no inotow-otow aw wadà kandan maka-uyun to ogpa-indan to goya dan dow boad no sikan indan no pigtu-un sikan mamang. Pigpambuhoy kandan aw makapagtibò ki Jesus no tùtu-u no Imananan to Ka-otawan aw ogsakup to sood to songo maan no tu-ig.