Mateo 10:1 - Kasulatan to Diyus

¹ Na to mgo pangabaga ni Jesus no sampuù tag duwa, pigpaduguk din kandan aw himuha din kandan no tumutubus diyà to mgo Isrili. Pigbogayan din kandan to kabogbogan to ogpakagawang to mgo busow no nakasood to mgo otow aw ogpakagawang gayod kandan to mgo sakit no nigsingkabugtì.

Mateo 10:1 ပူးပေါင်းရင်းမြစ်များ

Mateo 19:28

Nakatabak si Jesus, “To mahudi no adow to sinakupan to Diyus, kanak no Tumutubus to Ka-otawan, igbotang a to Diyus no ogsakup to kalibutan no bayà pad ogka-uliman to banwa. Iyu gayod no mgo pangabaga ku, igpambotang kow gayod no ogsakup to kasinugpu-an ni Israel no sampuù tag duwa no panon.

Mateo 26:20

No masaklop on no nangkahimun on tibò, namang-ingkud kandan si Jesus no ogpamandungà to pagko-onan.

Mateo 26:47

No ta-un to nig-ikagi si Jesus, pigduguk ni Judas no sood dà gayod to sampuù tag duwa no pangabaga ni Jesus no nadumahan on to kahan-ingan likat to mgo punu-an to tinu-uhan. Namandaa kandan to otak aw popokpokay.

Mateo 4:23

Dayun namanlibod kandan si Jesus to mgo simbahan du-on to prubinsiya to Galiliya aw ipang-anad din to Madoyow no Tutuwanon to pagsakup to Diyus, aw kangkadoyow ni Jesus to mgo nangkasakit tibò.

Mateo 6:13

Og-aha-on koy nu dow wadà buwa dini kanami no igkahimu ni Satanas no pa-antihan. Dì pagawangon nu nasì si Satanas dini kanami.’ “Na og-angodon now sikan no pag-ampù.

Mateo 9:35

Na niglibod-libod kandan si Jesus to mgo lunsud aw sityu to pagpang-anad to ka-otawan diyà to mgo simbahan no nanoysoy kandin to Madoyow no Tutuwanon bahin to pagsakup to Diyus. Nangka-uli-an din kan mgo otow no moy nigsingkabugtì no mgo sakit aw mgo kagoblayon dan.

Mateo 9:38

Kaling man ogpangamuyù kow to Diyus no Amoy no tagtu-un to humayan to ogpadugangan pad to mgo mag-a-ani no ogpatabangon iyu diyà to anihonon.”

Lucas 10:19

Na og-indanan now so-idi no kagi ku iyu. Pigbogayan ku iyu to kabogbogan to agad magi-okan now to ogpakalogot dì konà kow oglogoton, aw ogpakababow kow to kablang now, dì wadà oghalinan now.

Lucas 21:15

su kanak, ogbogayan ku iyu to ka-ugsoban aw mgo kagi no litos no igkatabak now no konà kow no ogkakambawan to kagi to kablang now aw konà ogka-asuy to kagi now.

Lucas 24:49

Sikan insahad iyu to Diyus no Amoy, ogpa-abuton ku dini iyu. Dì monang kow ogpakalogwà kani no lunsud no Hirusalim ko ogkangkatogob kow pad tibò to kabogbogan no oglikat diyà to langit.”

Lucas 6:13

Na pagkabukasi on, pighimun ni Jesus tibò to mgo sakup din aw pili-a din to sampuù tag duwa aw himuha din kandan no tumutubus din diyà to ka-otawan.

Juan 17:2

Su pigpasakup a nu to tibò no ka-otawan dini to kalibutan awos mabogayan kandan no sakup to imbogoy nu dini kanak no kinabuhì no konad ogkawadà.

Juan 3:27

Naka-ikagi si Juan to “Wadà kabogbogan no ogka-abin to otow, agad intawa, ko konà no Diyus diyà to langit to ogbogoy.

Juan 3:35

To Diyus, nalogonan din to Anak aw patubusa din aw iyan papanguuha to kandin pigsakupan tibò.

Juan 6:70

Nig-ikagi si Jesus to “Pinilì kud on iyu tibò, dì sobu-uk iyu no nasakup ni Satanas.”

Mgo Hininang 1:8

Dì kunto-on, bugtì to katondanan now su ko mamatu-ud on to Ispiritu Santu to nasoodan kow din on lagboy, iyan on ogkadawat now to kabogbogan aw agad ando-i ogkamatu-ud now to kanak, pigbuhoy ad on, aw iyu no ogmatu-ud, ogpalapuwaason ku iyu tibò no oglikat kow diyà to Hirusalim aw kotob to mgo timamanwa tibò no nasakup to mgo prubinsiya no Hudiya aw Samariya aw hantod to binogdokan to langit.”

Mgo Hininang 19:15

aw dayun naka-ikagi to busow to “Nakakilaa a ki Jesus aw kataga a gayod ki Pablo, dì iyu, dow intawa kow man.”

Sikan Impa-ahà ki Juan 12:1

Na dayun moydu-on mandà impa-ahà kanak diyà to langit no impa-inu-inu to og-abut odomà. Iyan nakita-an ku to buyag no iyan pigpangabò to soga. To buwan, du-on to saom din. To uu din, nasangkuban to sinuwang-suwang no nalikusan to bitu-on no sampuù tag duwa no bu-uk.