Marcos 4:38 - Kasulatan to Diyus

³⁸ Dì si Jesus du-on dà to uling to bautu no nalimogtokan to paglipodong no nig-u-uu-an. Dayun pigpukow si Jesus to mgo sakup din aw namaka-ikagi to “Sir, dow wadà ka-at nu? Kamuwa kid buwa.”

Marcos 4:38 ပူးပေါင်းရင်းမြစ်များ

Mateo 22:16

Pigpa-andiya-an dan si Jesus to mgo sakup dan aw mgo sakup ni Hirudis aw ipa-ikagi to “Sir, pigkilaa noy to matuwadong ka no otow aw matul-id to pagpang-anad nu bahin to kasugu-an to Diyus. To pagpang-anad nu, wadà ogpili-on nu no otow agad ma-aslag dow ma-intok.

Mateo 8:25

Dayun pig-andu-onan dan si Jesus aw pukawa to mgo pangabaga din aw mamaka-ikagi to “Sir, gimata kad aw bulig kad! Kamuwahanan tad on buwa so-idi no nig-abut!”

Marcos 4:37

Pagkaugoy-lugoy nig-abut to kamag no nigkumus to sakayan. Magabubungan to baod to dagat no ogkalukut-lukut aw katagu-i to wohig du-on to sakayan.

Marcos 4:39

Nakagimata si Jesus aw sapadi to kamag. Nig-iling kandin diyà to dagat, “Sigkon kad.” Nighagtong dayun to kamag. Ampan pad ogpangidù-kidù to dagat.

Lucas 8:24

Pigpukow si Jesus to mgo sakup din aw ikagihi to “Sir, kamuwahanan tad on so-idi no nig-abut ita.” Du-on nakagimata si Jesus aw sapadi din to kamag aw baod no ogkalukut-lukut no magabubungan. Dayun nighagtong to kamag aw ampan pad pangidù-kidù to dagat.

Juan 4:6

Na sikan no pasak, du-on dà makabotang no saukanan no pighingadanan to Balu ni Jacob. Na si Jesus, kan no pagtidow dan du-on sikan no saukan, puli on naka-ingkud kandin du-on to dani lagboy to balun su napagud man to paghipanow. Dì to mgo pangabaga din, namanpadayong diyà to lunsud su ogboli to ogkako-on dan. Dì si Jesus, nigtagad du-on to saukan. Puli dà nali-us to mgo pangabaga din, naka-abut to buyag no taga-Samariya no ogsauk. Dì sikan no uras konà podon no litos no sasaukay su ma-ugtu man. Na si Jesus, nig-ikagi to “Og-inom a to wohig.”

Hibriyu 2:17

Kaling man nigpaka-otow kandin angod dà to kasu-unan din awos mahimu kandin no makawka-aton no tumutubus dan diyà to atubangan to Diyus aw ogkasaligan awos malimwasan din kandan to saà no pinabayà to pagpakimatoy din ita.

Hibriyu 4:15

Sikan ita no tumutubus diyà to atubangan to Diyus, makawka-aton dini ita no makasasaà no otow ko mapanogkadan ki, su kandin, napanogkadan ni Satanas to agad nokoy no padaan-daan, dì kandin, wadà makasaà. Kaling man ka-amu kandin to og-ongod-ongodon ki to sakit no ogbati-on ta ko mapanogkadan ki.

1 Pedro 5:7

Isalig now to Diyus to agad nokoy no napookan now su kanunoy kow din ogdomdoman.