Marcos 3:5 - Kasulatan to Diyus

⁵ Impasosollong ni Jesus to pagpangahà-ahà din kan mgo otow no nahimun. Wadà katu-udi kandin to bo-ot kan mgo Parisiyu. Si Jesus, nig-ikagi diyà to pawing, “Kotongad to boad nu.” Dayun pigkotong to napawing to boad din aw dayun ka-uli-id on.

Marcos 3:5 ပူးပေါင်းရင်းမြစ်များ

Mateo 12:13

Kagi ni Jesus diyà to otow no pawing no nig-iling to “Kotongad on to boad nu!” Dayun kinotong to napawing to boad aw ka-uli-id on dayun.

Marcos 3:4

Dì nig-usip si Jesus sikan mgo Parisiyu to “Dow nokoy to hustu to oghimuhon ta to adow no konà no tigtatalabahu. Dow madoyow ko og-uli-an ta to padihu ta no nasakit, dow sugayon ta nasì. Dow madoyow ko ogtabangan ta to nasakit dow himatayan ta nasì. Dow nokoy to insugù ita bahin to adow no konà no tigtatalabahu.” Nangka-ompongan to mgo Parisiyu no namantagon to kandan tinu-uhan.

Lucas 13:15

Dì naka-ikagi si Jesus to “Iyu no mapakunon-kunonon no mgo otow, agad adow on no konà no tigtatalabahu, ogpambadbadan now dà to mgo buhì now awos maka-andiyà to wohig aw maka-inom.

Lucas 17:14

Pagkasunglà din, nig-ikagi kandin to “Andiya-i now to punu-an to tinu-uhan no nigtubus iyu diyà to atubangan to Diyus awos ma-ahà to sakit now dow magawang.” No paghipanow dan on, nangka-uli-an on man tibò kandan.

Lucas 6:10

Nigpang-ahà-ahà si Jesus to mgo otow no nahimun du-on aw ikagi diyà to pawing to “Kotongad to boad nu.” Na-uli-an dayun to boad din no kotongon din on.

Juan 9:7

aw ikagihi din to “Diyà kad on aw pamuwam-us ka to tubudan no padigusanan no pighingadanan to Siluwi.” Ko ita pa kalitukan sikan no ngadan to Impadaa. Na dayun nigtuman kandin to insugù ni Jesus aw pamuwam-us. To pagpati-ulì din, ogpakakita on.

Taga-Ruma 11:25

Mgo kasing-tumutu-u ku, ogpanaysayan ku iyu sikan tu-ud to Diyus no tahan on inghobong awos konà kow pumalabow-labow aw sawaya now to mgo Isrili. Ogkanangon ku iyu to moydu-on Isrili no nabigtoan to mgo tu-ud to Diyus dì to pagsupak dan, konà dà ogpalagodon hantod to wadà katapusan. Su to mgo otow no konà no Isrili dì tahan pig-abin to Diyus no ogpatu-uhon din, ko pumasakup tibò, kayan sikan mgo Isrili, ogpaman-ulì dà du-on to Diyus aw tu-u awos maluwasan kandan to mado-ot aw matuman to kasulatan to Diyus bahin to mgo Isrili no pig-iling to “Iyu diyà to Siyun, oglikatan kow to otow no oglipwas iyu. Oggawangon din to kado-otan du-on to mgo kasinugpu-an ni Jacob no iyan si Israel.

2 Taga-Kurintu 3:14

Dì konà no lawlanguhan dà ni Moises to moydu-on insalibon. Dì mgo Isrili iyan moydu-on nakababag to domdom dan du-on to Diyus su wadà dan kadaagi to impang-anad ni Moises. To mgo Isrili no iyan mgo Hudiyu, agad kunto-on ko basahon dan to kasugu-an ni Moises, angod dà su nasalibonan pad to domdom dan du-on to Diyus su wadà dan tu-uhi si Jesu-Kristu. Iyan dà igkagawang to igkasalibon to domdom dan ko ogpagtampu kandan du-on ki Jesu-Kristu.

Taga-Ipisu 4:18

su nahanigan to domdom dan. Wadà labot dan to kinabuhì no niglikat to Diyus su wadà natagahan dan su nabigtoan to ginhawa dan.

Taga-Ipisu 4:26

Ayaw kow ogpalagod to kasokò now awos konà kow makasaà. Konà now ogpahapunan to kasokò. Dì unaha now na-ay limwasa.

Taga-Ipisu 4:30

Konà now ogpadoahon to Ispiritu Santu su kandin kabogbogan to ing-indan iyu no sakup to Diyus hantod to magotò to adow no igka-usab to lawa now.

Hibriyu 3:10

Kaling man nig-ikagi to Diyus to ‘Nabou-an kud on kan mgo otow aw ka-ilingi kud to, Bugtì to domdom dan. Wadà dan ka-anadi to kanak kadodoog.

Hibriyu 3:17

Sikan no namakasaà du-on to kahanongan no banwa, nabou-an to Diyus to sood to kap-atan no tu-ig aw du-on dà hilupug-lupug to pagkangkamatoy.

Hibriyu 5:9

No du-on dà wadà pigboong din, nahimu kandin no piglikatan to kalipwasanan to mgo nigtuman kandin no wadà katapusan.

Sikan Impa-ahà ki Juan 6:16

Namansa-og kandan diyà to mgo pangas no kabatu-batuhan no nig-iling to “Kangkaligadi koy on sanga dini kanami.” Aw og-iling diyà to mgo ka-untudan to “Kangkatunai koy on sanga awos malibunan koy on awos konà koy on makita-an sikan nig-ingkud du-on to pangkà. Ogsalibonan koy now awos konà koy masa-aban to langot to Nati to Karniru.