Marcos 16:1 - Kasulatan to Diyus

¹ Na to katapusan to adow no konà no tigtatalabahu, namoli kan mgo buyag to pahomut. Ogpahomutan to patoy kan mgo buyag no si Maria no taga-Magdala, si Salumi, aw si Maria no inoy ni Santiago.

Marcos 16:1 ပူးပေါင်းရင်းမြစ်များ

Marcos 14:3

Na og-uli-on tad to tutuwanon ki Jesus. Nigpa-ulì on kandin diyà to Bitaniya no lunsud. Nig-agpot kandin diyà to baoy ni Simon no na-uli-an on to ibung. No nig-ingkud pad si Jesus no nig-atubang to pagko-onan, nig-abut to buyag no nigdaa to lamita no limut no moydu-on intagù no mahal no hihinaki no mahomut no iyan ngadan to nardu. Wadà imba-ot kan no hihinaki. Pigbugwakan to buyag to lamita aw ibus-ug din du-on to uu ni Jesus.

Marcos 14:8

Sikan to pagtahud din kanak su madaas ad ogkamatoy. Pighimu din to na-amuhan din. Pighina-atan a din on su iglobong a no pinabayà to paghinaki kanak to mahal no hihinaki.”

Marcos 15:40

Na moydu-on gayod mgo buyag no namanbantow puli to pag-ahà. Sikan mgo buyag, mgo sakup gayod ni Jesus. Namanduma kandan ki Jesus diyà to Hirusalim. Ton diyà pad si Jesus to Galiliya, kandan to nig-alagà kandin. Iyan ngadan dan si Maria no taga-Magdala, si Salumi, si Maria no inoy ni Jose aw ni Santiago no piggoan ki Batà. Moydu-on pad duma no mgo buyag no namanduma ki Jesus diyà to Hirusalim.

Marcos 15:42

Na moydu-on otow no nigbo-ot to kandin to oglobong ki Jesus. Iyan ngadan din si Jose no taga-Arimatiya. Talahudon no otow kandin no songo nigdaa gayod to mgo Hudiyu. Pig-iman din gayod to pagsakup to Diyus. Nigpanginpabubuut si Jose to nig-andiyà ki Pilato aw ba-id to kandin to oglobong ki Jesus.

Marcos 15:47

Si Maria no taga-Magdala aw si Maria no inoy ni Jose, pig-indanan dan to piglobongan ki Jesus.

Marcos 16:2

Pagkabukas nig-andiyà kandan to piglobongan.

Marcos 16:8

Nigpatilogwà sikan mgo buyag aw pamanlaguy. Naboong-boong to domdom dan aw pampidpida kandan to pagkahadok. Wadad mamaka-ikagi kandan su konad no pagkahadok dan.

Lucas 23:54

Na, imomo-ot on og-abut to tigsisigkonay agad-agad to kasugu-an to tinu-uhan to mgo Hudiyu.

Lucas 23:56

No mahapun on, naman-ulì on kandan si Maria diyà to lunsud aw hina-ata dan to pahomut aw mgo hihinaki. Pagkahina-at dan on, tigsisigkonay on to mgo Hudiyu no mgo otow. Kaling man namansigkon kandan tibò su sikan man to katahanan no kasugu-an to mgo tinu-uhan dan.

Lucas 24:1

Dì to pagkasunù no adow no kabukas-bukas pad lagboy, naman-andiyà kandan si Maria su oglo-uy to lobong ni Jesus no namandawdaa on to pahomut no nahina-at dan on.

Juan 19:25

Kaling man natuman on to mgo sundau. Na to inoy ni Jesus aw laginà din no si Maria no su-un to inoy din no asawa ni Cleopas, aw si Maria no taga-Magdala, nahimunan dan kandin.

Juan 19:31

Na sikan no adow no paghimatoy ki Jesus, adow on no tahan pighingadanan to adow to tighihina-at to tigsisigkonay aw to sunù no adow, tigsisigkonay on no kamatu-udan lagboy. Wadà tuguti to kasugu-an to mgo Hudiyu to ogkabilinan to patoy du-on to kinurus sikan no adawa. To mgo punu-an to tinu-uhan to mgo Hudiyu, nangkapook-pook ko mabilinan dà to patoy sikan no adow. Kaling nangamuyù kandan du-on ki Gubirnadur Pilato to ogpapantigan to kobong to mgo pirisu awos madaas ogkamatoy su awos malingat aw ikalobong.