Marcos 14:37 - Kasulatan to Diyus

³⁷ Na nig-ulì si Jesus du-on kan tatou no pangabaga din. Dì nangkalipodong tibò kandan. Nig-iling kandin diyà ki Pedro to “Simon, dow nalipodong kad? Dow konà ka ogpakatuwa-ay to ogbantoy agad songo uras dà?

Marcos 14:37 ပူးပေါင်းရင်းမြစ်များ

Mateo 25:5

No pagkaugoy to pag-abut to bayà pad no nighitu-un, nangkalipodong sikan sampuù no niglanyag pad to ilawan no nigtagad kandan.

Mateo 26:40

Na nigpati-ulì si Jesus du-on kan tatou no pangabaga din no pinabantoy din. Dì nangkalipodong tibò kandan. Naka-ikagi si Jesus diyà ki Pedro to “Dow konà kow buwa ogpakatuwa-ay to ogbantoy agad songo uras dà?

Marcos 14:36

Nig-iling si Jesus to “Amoy, ikow dà to ogka-amu to pagbulig agad nokoy no kalisod. Buligi a nu kunto-on Amoy, lipwasi a nu so-idi. Dì konà no kanak to ogpakabo-ot. Dì ikow dà to ogpakabo-ot to kanak ogkadoogan.”

Marcos 14:38

Og-agdam kow aw ampù kow to Diyus awos konà kow ogkatokawan to kalisodan no og-anti to pagtu-u now. Du-on to ginhawahan to otow ogkaliyag kandin to oghogoton podon to pagtu-u din. Dì ko ogdo-ogan on kandin to kalisodan, ko kandin dà, konà ogka-amu to pagtuman on to paghogot.”

Hibriyu 12:3

Konà ta ogkalingawan si Jesu-Kristu no oggoadon ta su nakatuwa-ay to pagkablang kandin to mgo otow no makasasaà awos konà ta madomdom to wadà puus to pagtu-u ta no nalisodan ki aw konà ki ogmina-abloy.