Marcos 14:11 - Kasulatan to Diyus

¹¹ Pagkataga to punu-an, nigtukhow kandan. Dayun insahad dan diyà ki Judas to ogbogayan dan to sapì. Kaling man kanunoy nakadomdom si Judas dow og-amonuhon din to pagkumit to ogkadaa din si Jesus diyà to mgo kablang din.

Marcos 14:11 ပူးပေါင်းရင်းမြစ်များ

Mateo 26:14

Na songo pangabaga dà gayod ni Jesus no iyan ngadan si Judas Iskariyuti, nakadomdom to og-andiyà to mgo punu-an to tinu-uhan to mgo Hudiyu su igbaligyà din si Jesus diyà kandan

Mateo 26:15

aw iling kandin diyà to mgo punu-an to “Pila buwa to igbayad now kanak ko daahon ku si Jesus dini iyu.” Na-uyunan to mgo punu-an to katlu-an no bu-uk to sapì aw bogayi dan dayuni si Judas.

Marcos 14:10

Na si Judas lskariyuti no pangabaga dà gayod ni Jesus, nig-andiyà kandin to mgo punu-an to tinu-uhan to mgo Hudiyu, su igbaligyà din si Jesus diyà kandan.

Marcos 14:12

Na nig-abut to una-una no adow to Hinang to Paan no Wadà Igpatulin no iyan nakadaa gayod to Hinang to Pagpalipas to Kado-otan no iyan ogpakapunù. Na pig-usip si Jesus to mgo pangabaga din to “Ando-i koy nu no baoy to ogpahina-aton to paniyapun to Hinang to Pagpalipas to Kado-otan.”

Lucas 22:3

Na, nakasood si Satanas diyà ki Judas Iskariyuti no sakup dà gayod kan sampuù tag duwa no pangabaga ni Jesus.

1 Timoteo 6:10

Na to pagka-akom to sapì, sikan to piglikatan to nigsingkabugtì no mado-ot. Sikan to piglikatan to ingka-oyow to mahan-ing to pagtu-u dan. Pagka-akom dan gayod to sapì to piglikatan to ingkangiluhi to ginhawa dan no angod to ogpapanà kandan to tunud.

Judas 1:11

Aboy kandan su ogsunudon dan si Kain no ma-inga-on no otow. Iyan dà pigpa-aag-aag dan to sapì. No pigpa-aag-aag dan to sapì pigsunud dan gayod si Balaam no sapì to nakakabig kandin to mado-ot no paghimu. Dì ogkawadà kandan no ogka-angod ki Kuda no nig-atu to pagsakup ni Moises no imbotang to Diyus.