Marcos 13:32 - Kasulatan to Diyus

³² Na nig-iling si Jesus to “To adow no igkagotò to katapusan aw pag-ulì ku dini so-idi kalibutan, Diyus dà no Amoy ku to nataga. Agad kanak no Anak din aw mgo diwata likat to Diyus, wadà koy kangkataga su Amoy ku dà to nataga iyan.

Marcos 13:32 ပူးပေါင်းရင်းမြစ်များ

Mateo 25:13

Na diyà pa-atubangi ni Jesus to mgo sakup din to pag-ikagi din no konà ogpa-ablayon kandan no nig-iling to “Na angod dà ogbantoy kow su wadà kow kataga dow kagan-u ogkagotò no tu-iga aw adawa to pag-ulì ku dini to kalibutan.”

Mateo 25:19

“Pagkaugoy nig-ulì on to mata-as dan aw balansiha din to sapì no impambilin din.

Mateo 25:6

“Dì no kabakna-an on to kadukiloman bali on tinawag kandan to ‘Bangun kow on. Kanid on to bayà hitu-un. Ogsalubung kid.’

Marcos 13:31

Moydu-on dà katapusan to lingit aw kalibutan, dì to kagi ku, wadà katapusan.”

Mgo Hininang 1:7

Nakatabak si Jesus to “Diyus dà to ogpakagotò to adow aw ogpakabobo-ot to kabotang ta to pagka-untuu dini ita to pagsakup, dì konà kow ogkataga su tibò, kandin dà to ogpakabobo-ot. Wadà labot now sikan.

2 Pedro 3:10

Dì ogtumanon iyan to Diyus to pagponas so-idi kalibutan su ko magotò to adow ogkatokawan to mgo otow angod to pag-abut to kawatan aw kadinog to pangalibagtos aw ogboongon to langit su ogkaliswahan tibò aw sikan nagihitan so-idi kalibutan, ogtunow aw kasangab gayod aw tibò no nakatagù.

Sikan Impa-ahà ki Juan 1:1

Na iyu no mgo sakup to Diyus, igpadaa ku iyu kunto-on to pigsulat ku no bahin to impa-ahà kanak ni Jesu-Kristu no pigsugù to Diyus to igpa-ahà kanak awos mama-anan now no sakup din dow nokoy to madaas og-abut. Kanak no si Juan no sakup ni Jesu-Kristu, pigsulat ku kotob to nakita-an ku no pagkagawangi ku to panimo-ot no pigsaysayan ad to kalitukan to diwata to Diyus no pigpabunsud dini kanak no pigpalikwad dini kanak. Pigsulat kud gayod to nadinog ku no kagi to Diyus aw kagi ni Jesu-Kristu.

Sikan Impa-ahà ki Juan 3:3

Konà now ogkalingawan to impang-anad iyu natodu-on no pigdawat now. Dì ogtagonan now lagboy to pigdawat now aw aya kow on to mgo pagminasuhoy now. Ko konà kow sumosoo aw oyowi to mado-ot no hinang, ogkatokawan kow su ko dumatong a du-on iyu angod a dà to kawatan no puli og-abut to wadà tugun aw wadà now hina-ata su wadà now imana aw wadà now katagahi to adow to lagboy kagoto-an to pag-ulì ku diyà iyu.