Marcos 11:21 - Kasulatan to Diyus

²¹ Wadà kalingawi ni Pedro ton pig-ikagi ni Jesus bahin to igira no kayu. Kagi din to “Sir, aha-a nu suyà kayu no pig-awa-an nu. Kunto-on no adow, namatoy on.”

Marcos 11:21 ပူးပေါင်းရင်းမြစ်များ

Mateo 21:19

Diyà to tibi to kalasada, nakita-an din to igira no kayu no nigdamoo on to dohun. Pig-iman on podon ni Jesus to moydu-on bogas su sikan no kayu, ogdodongan to pagdohuni aw pagkahinug to bogas. Dì pag-ahà din lagboy, wadà man bogas. Dohun dà tumaag to nakita-an din. Kagi ni Jesus, “Konà ka ogbogas kunto-on hantod to wadà katapusan.” No malituk to kagi ni Jesus, niglanos to igira no kayu dayun.

Mateo 23:7

Ogkaliyag gayod kandan ko mabogayan kandan to tahud diyà to lunsud aw papahingadan to mag-a-anad.

Mateo 23:8

Dì iyu, konà kow ogpahingadan to mag-a-anad aw konà kow ogpalabow-labow su sobu-uk dà to mag-a-anad now tibò. Iyu, u-unawa kow to katikang su nigsusu-un-su-un kow man to pagtu-u.

Mateo 25:41

“Dayun ognangonan ku no harì kan mgo otow du-on to kawaa ku, ‘Gawang kow du-on. Pakapadoog kow on diyà to banwa no kastiguhanan to saà no moy logdog no wadad kaposokanan, agad pighina-atan dà si Satanas aw mgo sakup din agad busow aw diwata din dì sikan gayod to ogkadoogan now.

Juan 4:31

Na og-uli-on tad to tutuwanon kandan aw ki Jesus. Pighinggat podon si Jesus to mgo sakup din to ogko-on su nakaboli on kandan to ogkako-on diyà to lunsud. Kagi dan to “Ogko-on kid Sir.”

1 Taga-Kurintu 16:22

Na to konà oglogon to Magbobo-ot ta, dowdo-otan. “Maranata,” no iyan nalitukan to, Magbobo-ot noy, andini kad.