Marcos 1:32 - Kasulatan to Diyus

³² Na pagkahapun, pigdaa to mgo otow no nangkasakit diyà ki Jesus aw to mgo otow gayod no pigpansoodan to busow.

Marcos 1:32 ပူးပေါင်းရင်းမြစ်များ

Mateo 4:24

Tibò pigtangkapan to kabantug din diyà to Siriya no banwa. Kaling man pigpandaa dan diyà ki Jesus to mgo nangkasakit no pig-abuy aw kan ogbatì to ogkawaas to lawa aw kan mgo otow no pigpansoodan to busow. Tibò din nangka-uli-an.

Mateo 8:16

Pagkahapun, pigpandaa to mgo otow no nangkasakit diyà ki Jesus aw mgo otow no pigpansoodan to busow. Nangkagawang din to busow no malituk din to kagi aw kangka-uli-i din tibò.

Mateo 8:17

Napugut on sikan tibò su awos matuman to intag-an ni Isaias no maglilikwaday to Diyus no lagsoban natodu-on no pig-iling to “Itanow, pigpanggawangan din to mgo sakit aw mgo kagobloy to lawa su nigtubus man kandin ita.”

Marcos 1:21

Na nig-andiyà si Jesus to Kapirna-um no lunsud no pigdumahan to mgo sakup din. Sabadu no adow to konà dan igtalabahu no mgo Hudiyu no mgo otow. Nigsood si Jesus aw mgo sakup din diyà to simbahan to Sabadu aw nigpang-anad kandin to mgo ka-otawan du-on.

Marcos 1:31

Nigduguk si Jesus diyà to buyag no nasakit aw dawata din to boad din aw pabanguna din. Na-uli-an dayun to ugangan ni Simon aw bulig on kandin alagà to mgo bisita.

Marcos 3:2

Sikan mgo Parisiyu, pigbantayan dan lagboy si Jesus dow ma-uli-an din kan pawing no otow to adow no konà no tigtatalabahu to mgo Hudiyu. Ko ma-uli-an iyan ni Jesus kan pawing, igdiklamu dan podon si Jesus no mgo Parisiyu diyà to mata-as dan.

Lucas 4:40

Na no mahapun on lagboy, to mgo nangkasakit no nigsingkabugtì, tibò pigdaa to kadumahan dan diyà ki Jesus aw pandampona din kandan tibò aw dayun nangka-uli-an kandan tibò.

Lucas 4:41

To busow no nigsood to mgo otow, nangkagawang aw makasa-og to “Ikow, Anak iyan to Diyus.” Dì pigsapadan ni Jesus aw wadà din tuguti kandan to og-ikagi su kinilaa dan to kandin to Imananan to Ka-otawan.