Lucas 7:34 - Kasulatan to Diyus

³⁴ Dì kanak no Tumutubus to Ka-otawan, ogpagba-ot a, dì pighimu a now nasì no ma-omot no ogko-on aw minahingow, aw ogdinuguk-duguk a to mgo magsusukut to buhis aw duma no wadà tu-u to katahanan ta. Wadà iyan ingkangkaliyag now.

Lucas 7:34 ပူးပေါင်းရင်းမြစ်များ

Mateo 11:19

Dì kanak no Tumutubus to Ka-otawan, ogpagba-ot a man dì pighimu a now no ma-omot to ogko-on aw ogminahingow aw matiduguk diyà to mgo magsusukut to buhis aw duma pad no mgo wadà tu-u to katahanan now. Wadà iyan ingkangkaliyag now. Dì ogkakilaa ta iyan to ka-ugsoban to Diyus su pigpakatuman din to pagbo-ot din agad nigsingkabugtì no mgo otow, agad mapawpa-awayon iyan to og-ugpà aw matiduguk gayod no otow.”

Mateo 5:46

Ko iyan dà ogka-atan now to ogka-at iyu, amonuhon to pagka-uyun iyu to Diyus, su agad mgo wadà tu-u to katahanan ta, ogtumanon dan dà kan, agad mgo magsusukut to buhis.

Mateo 9:11

Dì to mgo Parisiyu no nigtagon lagboy to kandan katahanan, nakita-an dan to nigpagdongan si Jesus to pagko-on kan mgo otow no wadà tu-u to kandan katahanan. Namang-usip kandan diyà to mgo pangabaga ni Jesus to “Nokoy man no ogpagdongan to mag-a-anad now to pagko-on to mgo magsusukut to buhis aw duma pad no wadà tu-u to katahanan ta.”

Lucas 11:37

Na pagkatapus to pag-ikagi ni Jesus, pigpaponhik kandin to songo Parisiyu diyà to baoy din aw du-on kandin pako-ona. Pagkasood dan, nig-ingkud si Jesus

Lucas 14:1

Na, songo adow no konà no tigtatalabahu, diyà papaningugtuha si Jesus to baoy to songo punu-an to Parisiyu no songo panon to tinu-uhan. Pigbantayan kandin lagboy to ka-otawan.

Lucas 15:2

Dì to mgo Parisiyu aw duma no mag-a-anad to tinu-uhan to mgo Hudiyu, naman-ina-ina no namang-iling to “Sikan no otow, ogdawaton din to agad mgo otow no wadà tu-u to katahanan ta aw ogpagsau kandan gayod.”

Lucas 19:7

Dì pagkakita to kahan-ingan, nabaaw-baawan dan si Jesus aw ikagi to “Nokoy man buwa no nigduguk si Jesus to otow no wadà tu-u to katahanan ta.”

Lucas 5:29

Na si Lebi, binana-an din kandan si Jesus diyà to baoy din. Iyan mgo dongan gayod du-on kan no pagko-onan to mahan-ing no ka-otawan. Mahan-ing gayod du-on no mgo duma ni Lebi no magsusukut to buhis no wadà ka-uyuni to mgo otow no nigdaa to tinu-uhan to mgo Hudiyu. Mahan-ing gayod to duma du-on no wadà tu-u to kandan katahanan.

Lucas 7:33

Si Juan no Magbobonyagay, wadà pagba-ot kandin to mgo pagko-onan aw mgo pag-inoman, aw puli now on botang-botangi kandin no pigsoodan kun to busow.

Lucas 7:35

Dì to ka-ugsoban to Diyus, ogkakilaa ta su pigpatuman din dà to pagbo-ot din to nigsingkabugtì no mgo otow, agad mapawpa-awayon ubag to og-ugpà aw matiduguk gayod no otow.”

Lucas 7:36

Na si Simon no songo Parisiyu no matagon-tagonon to kandan katahanan, pigbana-an din kandan si Jesus.

Juan 12:2

Na, du-on pigbana-an si Jesus. No pighonatan kandan si Jesus aw si Lazaro to ko-ononon du-on to ko-onanan, si Marta no atoboy din to nanghonat.