Lucas 6:28 - Kasulatan to Diyus

²⁸ To otow no ogtungayow iyu, konà now ogbaosan. Dì ogpapanalanginan now nasì kandan to Diyus. Ampu-i now nasì diyà to Diyus to otow no og-uwang-uwang iyu.

Lucas 6:28 ပူးပေါင်းရင်းမြစ်များ

Mateo 5:44

Dì so-idi to kagi ku iyu. Ogka-atan now gayod to mgo kablang now. I-ampù now nasì kandan to Diyus agad napahadatan kow dan

Lucas 23:34

Na, nig-iling si Jesus diyà to Diyus to “Amoy, pasayluhon nu to kablang ku su wadà dan kama-ani to litukan to nahimu dan dini kanak.” Dayun pighahandug to mgo sundau to kabò ni Jesus no impabayà dan to tinag-anay dow intawa dapit kandan to makatu-un.

Lucas 6:27

“Dì iyu no ogpamaminog kanak, ognangonan ku iyu no oglogonan now nasì to mgo kablang now. Ko ogkablangon kow to mgo otow, ogpapanalanginan now nasì kandan no ogkablang iyu.

Lucas 6:35

“Iyu, ogkalogonan now to mgo kablang now. Ogdowdoyawan now aw paboos no agad konad ogpaka-untuu su dakoo to igkabaos iyu aw ogkatu-uhan to iyu to anak to Diyus no Kinalabawan su makawka-aton kandin diyà to mgo otow, agad logodon aw konà no mapinasalamaton.

Mgo Hininang 14:5

Na to mgo wadà pagtu-u no mgo Hudiyu aw konà no Hudiyu aw panguu dan, pigdomdom dan to ogpamab-otan to ka-otawan to ogpalisodan podon kandan si Pablo su ogdodogpakon dan podon si Pablo aw si Bernabe to batu.

Mgo Hininang 7:60

Dayun nakaluhud kandin aw maka-ikagi to ma-agbot, “Magbobo-ot, konà nu oghimuhon no saà dan no ogkahibatan dan.” Dayun namatoy on si Esteban. Na si Saulo, naka-uyun dà to kamatayon ni Esteban no nigbantoy su pigkablang din to bayà no tinu-uhan bahin ki Jesus.

Taga-Ruma 12:14

Ko moydu-on og-uwang-uwang ita, konà ta ogbaosan to mabogat no kagi. Dì ogpapanalanginan ta nasì kandan to Diyus.

1 Taga-Kurintu 4:12

aw kanami dà to napagud to pagpanganap to igkabuhì to kanami tu-un no lawa. Dì agad ko ma-ina-ina koy, dì igbaos noy nasì to madoyow. Agad mahadatan koy, dì ogtuwa-ayon noy.

Santiago 3:10

Sobu-uk to piglikatan to pagsayà ta aw pag-ina-ina ta. Dì konà podon, mgo su-un, ogkahimù sikan.

1 Pedro 3:9

Ko mabogayan kow to mado-ot, konà kow ogbaos to mado-ot. Ko ina-inahon kow, konà kow gayod ogbaos to mado-ot. Dì igbaos now nasì to madoyow awos madawat now gayod to madoyow su madoyow to insahad to Diyus iyu to pag-abin din iyu.