Lucas 5:29 - Kasulatan to Diyus

²⁹ Na si Lebi, binana-an din kandan si Jesus diyà to baoy din. Iyan mgo dongan gayod du-on kan no pagko-onan to mahan-ing no ka-otawan. Mahan-ing gayod du-on no mgo duma ni Lebi no magsusukut to buhis no wadà ka-uyuni to mgo otow no nigdaa to tinu-uhan to mgo Hudiyu. Mahan-ing gayod to duma du-on no wadà tu-u to kandan katahanan.

Lucas 5:29 ပူးပေါင်းရင်းမြစ်များ

Mateo 11:19

Dì kanak no Tumutubus to Ka-otawan, ogpagba-ot a man dì pighimu a now no ma-omot to ogko-on aw ogminahingow aw matiduguk diyà to mgo magsusukut to buhis aw duma pad no mgo wadà tu-u to katahanan now. Wadà iyan ingkangkaliyag now. Dì ogkakilaa ta iyan to ka-ugsoban to Diyus su pigpakatuman din to pagbo-ot din agad nigsingkabugtì no mgo otow, agad mapawpa-awayon iyan to og-ugpà aw matiduguk gayod no otow.”

Mateo 5:46

Ko iyan dà ogka-atan now to ogka-at iyu, amonuhon to pagka-uyun iyu to Diyus, su agad mgo wadà tu-u to katahanan ta, ogtumanon dan dà kan, agad mgo magsusukut to buhis.

Mateo 9:10

Na pigbana-an ni Mateo kandan si Jesus diyà to baoy din. Nakaba-ot to mahan-ing no magsusukut to buhis no duma ni Mateo aw duma gayod no mgo otow no wadà tu-u to mgo katahanan to mgo Hudiyu.

Mateo 9:9

Na nighipanow on si Jesus. Pagkabayà din to sukutanan to buhis, nakita-an din to otow no nig-ingkud no pighingadanan ki Mateo. Pig-ikagihan ni Jesus to “Lagi, kunto-on duma kad on kanak.” Dayun nigsakindog kandin aw duma ki Jesus.

Marcos 2:15

Na nigponhik si Jesus aw mgo sakup din diyà to baoy ni Lebi su pigbana-an kandan du-on. Niglambag puli to mgo punu-an to tinu-uhan to mgo Hudiyu no kandan, mgo mag-a-anad aw mgo Parisiyu no lagboy mangkatinumanon to kandan katahanan. Paglambag kan mgo punu-an nakita-an dan si Jesus aw mgo sakup din no namango-on. Nigpagdongan si Jesus to pagko-on to mgo magsusukut to buhis aw duma pad no wadà tu-u to katahanan dan. Mahan-ing sikan no mgo otow no namanpasakup ki Jesus. Pagkita to mgo Parisiyu to nigpagdongan si Jesus to pagko-on kan no mgo otow, moydu-on ing-usip dan kan mgo sakup ni Jesus no nig-iling to “Nokoy man no nigpagdongan si Jesus to pagko-on sikan mgo magsusukut to buhis aw duma pad no wadà tu-u to katahanan ta.”

Lucas 15:1

Na to magsusukut to buhis aw duma pad no mgo wadà tu-u to katahanan to mgo Hudiyu, ogpamanduguk du-on ki Jesus su awos ogpaminog to impang-anad din.

Juan 12:2

Na, du-on pigbana-an si Jesus. No pighonatan kandan si Jesus aw si Lazaro to ko-ononon du-on to ko-onanan, si Marta no atoboy din to nanghonat.

1 Taga-Kurintu 10:27

Ko pananglitan mandà, ogpa-andiya-on kow to pagko-onan to otow no wadà pad pasakup to Diyus. Ogtugutan kow to ogba-ot du-on. Agad mgo ighonat du-on, ogkako-on now. Dì konà now igpang-usip-usip dow ando-i likat, angod to hinang to bugtì. Konà kow ogpakapangintaga dow ando-i to piglikatan to ogko-onon now du-on.