Lucas 5:24 - Kasulatan to Diyus

²⁴ Moydu-on ig-ikagi ku to pulid awos kow mataga tibò to bahin to mgo saà to otow, kanak no Tumutubus to Ka-otawan, nabogayan a to kabogbogan to ogpakapasaylu a to saà dini to babow to kalibutan.” Na pig-ikagihan ni Jesus to pulid no otow to “Na ikow no pulid, bangun kad on aw lukuta to hikam nu aw ulì kad on.”

Lucas 5:24 ပူးပေါင်းရင်းမြစ်များ

Mateo 16:13

Na nigpadayong kandan si Jesus diyà to mgo lunsud no nasakup on to Sisariya Pilipu. No diyà pad kandan sikan no banwa, nig-usip si Jesus to mgo pangabaga din no iniling to “Kanak no Tumutubus to Ka-otawan, dow intawa a buwa agad-agad to mgo atoman to mgo ka-otawan.”

Mateo 25:31

Na nig-aboy si Jesus to pagpang-anad din bahin to mahudi no adow no nig-iling kandin to “Kanak no Tumutubus to Ka-otawan, ko umulì a dini to kalibutan, oghinangon ad no harì no ogdumahan to mgo diwata likat to Diyus aw mgo kaboonganan to Diyus. Dayun ogbotangan ad to katondanan no kinalabawan su ogkahimu a no harì.

Mateo 26:64

Nigtabak bali si Jesus to “Ho-o, tùtu-u iyan kan pig-ikagi nu. Madaas on iyan ogkama-anan now to pagbo-ot ku iyu su ogpagso-ing a to Diyus no Amoy no nigbogoy kanak to kabogbogan. Aw kanak no Tumutubus to Ka-otawan, og-ulì a dà dini no ogpakaliwaw-ang a to gabun.”

Mateo 28:18

Pigduguk kandan ni Jesus aw ikagihi to “Pigbogayan ad to Diyus to kabogbogan tibò to ogpasakupon so-idi kalibutan aw kalangitan.

Mateo 4:24

Tibò pigtangkapan to kabantug din diyà to Siriya no banwa. Kaling man pigpandaa dan diyà ki Jesus to mgo nangkasakit no pig-abuy aw kan ogbatì to ogkawaas to lawa aw kan mgo otow no pigpansoodan to busow. Tibò din nangka-uli-an.

Mateo 9:6

Mangkuwan ig-ikagi ku diyà to pulid awos mataga kow to kanak no Tumutubus to Ka-otawan, nabogayan a to kabogbogan to ogpakapasaylu a to tibò to saà to mgo otow dini to babow to kalibutan.” Nigsunglà kandin du-on to pulid aw ikagihi to “Lagi, bangun kad aw sakindog kad on aw lukuta to hikam nu aw ulì kad.”

Lucas 5:13

Na du-on pigdampon din aw ikagi to “Ogbo-otan ku man. Na, ka-uli-i kad on aw kalinisi kad on.” Du-on na-uli-an on dayun kan otow to sakit din aw kalinisi on to lawa din.

Lucas 5:18

Na tinakin nigdatong on mandà to pulid no otow no piglahung. Ogsood podon to namanlahung to pulid no otow su diyà dan podon to igbotang to atubangan ni Jesus.

Lucas 5:23

Nokoy to mahawoy to og-ikagihon diyà to napulid no otow, to ‘Napasaylu to saà nu,’ dow ‘Bangun kad on aw hipanow kad on.’

Lucas 7:14

Du-on pigdampà dayun ni Jesus to lungun aw pamansigkon kan mgo lumolobong. Kagi ni Jesus to “Utù, bumangun kad on.”

Lucas 8:54

Dayun pigdawat ni Jesus to boad to batà aw ikagi to “Igì, bangun kad.”

Juan 11:43

No pagkalituk sikan, pig-ikagihan din to ma-agbot to “Lazaro, logwà kad on.”

Juan 17:2

Su pigpasakup a nu to tibò no ka-otawan dini to kalibutan awos mabogayan kandan no sakup to imbogoy nu dini kanak no kinabuhì no konad ogkawadà.

Juan 3:13

Wadà nigkawoy diyà to langit ko konà no nigbunsud likat to langit no Tumutubus to Ka-otawan.

Juan 5:27

Pigbogayan to Diyus gayod kan Anak din to kabogbogan to ogpakabo-ot to mgo otow su nahimu man gayod no Tumutubus to Ka-otawan.

Mgo Hininang 14:10

aw tinakin ikagihi to ma-agbot to “Sakindog kad du-on.” Dayun nakasakindog aw makahipanow.

Mgo Hininang 5:31

aw pakalabawa din aw paso-inga din diyà dapit to kalintu-u din no diyad on to langit. Pighimu din si Jesus no Magbobo-ot aw Maglilipwasay su agun ogpa-oyowan din ita no kasinugpu-an ni Israel to hinang no mangkado-ot aw kapasaylu ki din dà to saà ta.

Mgo Hininang 9:34

Dì si Pedro, nig-ikagi kandin to “Iniyas, bangun kad on aw lukutad to hikam nu su na-uli-an kad on ni Jesu-Kristu.” Dayun nakabangun si Iniyas

Mgo Hininang 9:40

Na pigpalogwà ni Pedro kan mgo buyag. Paglogwà to mgo buyag, nigduguk aw luhud si Pedro aw ampù kandin to Diyus. Dayun pig-atubang ni Pedro to patoy aw ikagihi din to “Tabita, bangun kad on.” Nakagimata dayun si Tabita. Pagkita din ki Pedro, nigbangun lagboy kandin.

Sikan Impa-ahà ki Juan 1:13

Du-on to kabakna-an to pungkuyanan to ilawan, iyan nakita-an ku to angod to tumutubus to ka-otawan no mahabà to kabò din aw to dagaha din, pigbagkosan to buwawan.