Lucas 5:15 - Kasulatan to Diyus

¹⁵ Dì pinatangkap din on nasì to nawnangonon diyà to kadiyu-an bahin ki Jesus aw du-on dayun nangkahimun to kahan-ingan no otow awos ogpamaminog to impang-anad din aw ogpamatambaa kandan to mgo sakit dan.

Lucas 5:15 ပူးပေါင်းရင်းမြစ်များ

Mateo 9:26

Na sikan no nawnangonon, nigtangkap diyà to kalongodan to Kapirna-um no lunsud.

Mateo 9:31

Dì bali man no pigpatangkap dan to nawnangonon to napugut-pugutan hantod to nigtangkap to tibò nasakup du-on to Kapirna-um no lunsud.

Marcos 1:28

Nigtangkap to bantug ni Jesus diyà to prubinsiya to Galiliya.

Marcos 1:45

Nakahipanow on sikan pig-ibung no otow no na-uli-an on man. Dì innawnangonon on man nasì. Kaling man nigtangkap du-on no banwa to nawnangonon to pagka-uli-i din to ibung hantod to konad on oghipanow si Jesus diyà to lunsud su ogdilin kandin to mgo ka-otawan ko makita-an kandin. Dì agad diyà si Jesus to kahilitan, dì agad ando-i no banwa, pigmutmutan to mgo otow no naman-andu-on.

Marcos 3:7

Na nighipanow on si Jesus aw mgo sakup din padoog diyà to dagat. Namanduma to kahan-ingan no taga-Galiliya. Moydu-on pad mgo otow no nakadinog to moydu-on pighinang ni Jesus no kaboonganan. Pagkadinog dan to tibò to pighinang ni Jesus, pig-andiya-an kandin to kahan-ingan no otow likat to nigsingkabugtì no banwa no Hudiya, Hirusalim, Idumiya, Tiru, Sidun, aw diyà to dihipag to Hurdan no wohig.

Lucas 12:1

Na pagkahimun to ka-otawan no minaan, nadasok-dasok on lagboy hantod to nigkagini-okay on kandan. Tugdow nigpagbaaw si Jesus to mgo pangabaga din. Nig-ikagi kandin to “Dowdoyow kow to pagpatulin to paan to mgo Parisiyu no iyan kalitukan sikan to pagpakunon-kunon dan.

Lucas 14:25

Na no nang-anad si Jesus, nadumdumahan kandin to kahan-ingan. No nang-anad kandin, nig-iling kandin to

Juan 6:2

No madaas on to tighihinang to Hinang to Pagpalipas to Kado-otan, mahan-ing no ka-otawan to ogpamanhipanow no ogpadoog diyà to Hirusalim su ogpamanba-ot to hinang. Dì mahan-ing no otow no namansuuk no namanlupug ki Jesus diyà dihipag su nakita-an dan natodu-on to kaboonganan no nahimu din no angod to pagkangkadoyow to nangkasakit. Na kandan si Jesus, no pagdu-ung dan to boyboy, namanggomow kandan to untud. Pagkaluwan dan to untud, namang-ingkud du-on.

1 Timoteo 5:25

Angod dà to paghimu to madoyow. Moydu-on madaas ogkatagahan. Moydu-on gayod maugoy. Dì agad madaas aw maugoy ogkatagahan dà tibò gayod to madoyow no hinang.