Lucas 2:38 - Kasulatan to Diyus

³⁸ Kandà no timpu no du-on pad kandan si Jose to simbahan, nigdatong si Ana du-on aw bogoy to pasalamat din diyà to Diyus aw pagbaaw-baaw kandin bahin kan no batà diyà to mgo ka-otawan no naman-iman to ogpakatubuk to Hirusalim to pagsakup aw paglipwas to saà to mahudi no adow.

Lucas 2:38 ပူးပေါင်းရင်းမြစ်များ

Lucas 1:68

“Masayà-sayà on to Diyus no ampu-onon to mgo Isrili su moydu-on pigpa-andini din no sinakupan din aw kabuligi ki din aw bogayi kid din to ogpakatubus no ogpakamatoy to saà ta,

Lucas 2:25

Na sikan no timpu moydu-on otow diyà to Hirusalim no iyan ngadan din si Simeon. Matuwadong kandin aw matinumanon to kasugu-an to Diyus aw kanunoy ogtagad-tagad kandin ko ogbuligan to Diyus to mgo Isrili. Nasoodan kandin to Ispiritu Santu.

Lucas 2:36

Na moydu-on gayod maglilikwaday to Diyus no buyag diyà to Hirusalim no iyan ngadan din si Ana no anak ni Panuwil no sakup to Asir no panon su kasugpu-an kandin ni Asir. Si Ana, nabuyag on lagboy su kawau-an on aw upat no tu-ig to idad din. Pitu dà no tu-ig to pagkaminyò din, nabau on kandin. Puli on nigpakamonang kandin diyà to simbahan no labow, adow aw madukilom nigsimba aw nig-ampù to Diyus aw pu-asa.

Lucas 23:51

Wadà kandin uyun to paghimatoy ki Jesus aw kandin, nig-iman to pagsakup to Diyus.

Lucas 24:21

Na-iman noy dà podon to kandin to ogpatubuk ita to bandila no mgo Isrili. Asta pad natatouhan on no adow.

2 Taga-Kurintu 9:15

To labow no imbogoy itanow tibò, mapasalamatan to Diyus, su pigpa-andini si Jesu-Kristu no nigpaka-otow dini ita no mgo gi-otawan.

Taga-Ipisu 1:3

Masayà to Diyus no Amoy to Magbobo-ot ta no si Jesus no Imananan to Ka-otawan su pigbogayan kinow din on to panalangin tibò diyà to langit no pigpatampu ki ni Jesu-Kristu.