Lucas 2:36 - Kasulatan to Diyus

^36-37 Na moydu-on gayod maglilikwaday to Diyus no buyag diyà to Hirusalim no iyan ngadan din si Ana no anak ni Panuwil no sakup to Asir no panon su kasugpu-an kandin ni Asir. Si Ana, nabuyag on lagboy su kawau-an on aw upat no tu-ig to idad din. Pitu dà no tu-ig to pagkaminyò din, nabau on kandin. Puli on nigpakamonang kandin diyà to simbahan no labow, adow aw madukilom nigsimba aw nig-ampù to Diyus aw pu-asa.

Lucas 2:36 ပူးပေါင်းရင်းမြစ်များ

Lucas 2:38

Kandà no timpu no du-on pad kandan si Jose to simbahan, nigdatong si Ana du-on aw bogoy to pasalamat din diyà to Diyus aw pagbaaw-baaw kandin bahin kan no batà diyà to mgo ka-otawan no naman-iman to ogpakatubuk to Hirusalim to pagsakup aw paglipwas to saà to mahudi no adow.

Mgo Hininang 2:18

Ogpasoodan ku gayod to Ispiritu Santu to mgo sugu-onon ku, agad lukos aw buyag. Igpalikwad kud kandan to kagi ku.

Mgo Hininang 21:9

Moydu-on upat no anak din no buyag no daga no oglinikwad to kagi no nakapotos no likat to Ispiritu Santu.

1 Taga-Kurintu 11:5

Dì to buyag no og-ampù diyà to kahimunan dow oglikwad to kagi no impa-abut to Diyus, dì wadà pupukut to uu din, napasikawan to panguu din. Angod dà to tinabuug kandin.

1 Taga-Kurintu 12:1

Na mgo kasu-unan ku, bahin to mgo nigsingkabugtì no kabogbogan no ingkangkahungyam ita likat to Ispiritu Santu, igpanoysoy ku iyu su mahan-ing no kunon kun pig-abut kandan to kagi, no Diyus kun to piglikatan.

1 Timoteo 3:2

Na ko oghimuhon nu to otow no ogdaa to mgo tumutu-u, otow podon no konà oghimu to mgo igkasaà no igka-ina-ina kandin to ogpili-on nu. Sobu-ukon dà to asawa din aw konà din oglap-angan to asawa din. Matuwadong to kandin hinang aw ogka-amu kandin to ogdomdom to litos. Ogkatahud kandin to duma. Madoyow gayod to pagdawat din to bisita aw bo-otan kandin. Ogka-amu kandin og-anad to duma no otow.

1 Timoteo 5:9

Na to mgo bau no buyag no ogbotangan nu to katondanan no magbubulig to sinakupan aw kabogayi kandan to kapookanan dan, konà nu ogkalistahan ko konà pad og-abut to kan-oman no tu-ig aw kasaboka dà to ogbayà to pagkaminyò,

Sikan Impa-ahà ki Juan 7:6

To kasinugpu-an ni Asir, sampuù tag duwa no maan. To panon ni Niptali, sampuù tag duwa no maan. Pig-indanan gayod to sampuù tag duwa no maan to kasinugpu-an ni Manasis.