Lucas 2:22 - Kasulatan to Diyus

^22-24 Na natuman on to adow to pagtuman to tulumanon bahin to pagpanganak to inoy no iyan na-agadan to kasugu-an ni Moises, su nasulat on diyà to Kasulatan to Diyus no pig-iling to “Ogtaphagan now to Diyus to daduwa no bu-uk no salapati dow daduwa no ugà to baud.” Sikan no tulumanon, pighingadanan to Paglinis to Pag-anak. Na kandan si Jose, naman-andiyà to labow no simbahan diyà to Hirusalim awos ipa-ahà kan batà to Diyus no ta-indanan to og-uyun to ginikanan to igkabogoy kan no batà diyà to Diyus no ogdaa kandin to pag-ampù to Diyus ko tumulin to batà su nasulat on gayod ni Moises natodu-on diyà to Kasulatan to Diyus no pig-iling to “To batà no lukos no panganoy, ogka-abin to Diyus to oghimuhon no ogdaa to pag-ampù to Diyus.”

Lucas 2:22 ပူးပေါင်းရင်းမြစ်များ

Lucas 2:27

Na pig-alladan si Simeon to Ispiritu Santu diyà to simbahan no labow awos du-on din tagadan kandan si Jose su ogtumanon dan kan no tulumanon bahin to mgo batà no iyan ogka-agadan to kasugu-an ni Moises. Na pagdatong dan on,