Lucas 15:6 - Kasulatan to Diyus

⁶ Pag-ulì now, pigpanghimun now to kadumahan now aw iling kow to ‘Ogtukhow kinow dà su nakita-an ku dà to buhì ku no natanak.’

Lucas 15:6 ပူးပေါင်းရင်းမြစ်များ

Lucas 1:58

To mgo kadumahan din, pagkadinog dan, namantukhow kandan lagboy su natu-un ni Elisabet to ka-at likat to Magbobo-ot dan.

Lucas 15:10

Angod dà man to innangon ku iyu to ogpamantukhow to Diyus aw mgo diwata din, agad sobu-uk no makasasaà, ko makasosoo kandin to pighimu din no mado-ot aw oyowi.

Lucas 15:24

So-idi batà ku, iyan on na-angodan to namatoy on, dì pigbuhoy dà. Iyan napadihuhan gayod to natanak, dì nakita-an dà.’ Na du-on namanliliyag kandan tibò.

Lucas 15:5

Pagkakita now, pigbakus now aw babaha no nigtukhow kow lagboy su nakita-an dà man.

Lucas 15:7

Na ko otow no agad wadà din tu-u to katahanan now dì to paghimu din no mado-ot, ko ogkasosoan din aw oyowi, ogsubla on to pagtukhow to mgo uminugpà diyà to langit. Dì wadà ogtukhow diyà bahin to otow no konà ogpagawang to saà din.

Juan 15:14

Ko ogtumanon now to kasugu-an ku, ogkalinogonay kinow.

Juan 3:29

Na ko pananglitan to ogpakatu-un to asawahon din, kandin to tumatawas. Dì to mgo kadumahan to tumatawas, ogkangkaliyag gayod su ogkangkalabot to pagtukhow to tumatawas. Kaling man nigtukhow a lagboy su kanak, na-angodan ku to duma to tumatawas.

Mgo Hininang 11:23

su matuwadong si Bernabe aw natogob to Ispiritu Santu aw nigtu-u lagboy to Diyus. Pagdatong din diyà to Antiyukiya aw kakita-i to pagbulig kandan to Diyus, nigtukhow kandin aw pangudlin to ogpakatagonan to tinu-uhan ki Jesus agad ma-amonu. No pagka-ugpà ni Bernabe du-on, mahan-ing to nigpasakup ki Jesus.

Mgo Hininang 15:3

Na no pigpatubus si Pablo aw si Bernabe to sinakupan to Diyus, nighipanow on kandan padoog diyà to Hirusalim no pigdumahan to mgo sakup ni Jesus no taga-Antiyukiya. Nanghapit-hapit kandan diyà to kalunsudan no diyà to prubinsiya to Pinisiya aw Samariya. Nignawnangonon kandan to mgo kasinakupan ni Jesus to nasakup on to Diyus to mahan-ing no mgo otow no nigsingkabugtì. Pagkadinog dan, namantukhow kandan tibò.

Taga-Pilipus 2:17

Agad mamatoy ad to pagpa-omot ku to ogpang-anad iyu no talabahu ku to Diyus, dì ogkaliyag a dà nasì. To pagtukhow now, ogpagtibò a iyu su agad lagboy to pagkalisodi now dì nigtukhow kow dà man nasì.

Taga-Pilipus 4:1

Na no dakoo to panalangin no ogka-iman ta mgo kasu-unan ku no maogon ku no nangkasampotan ku no kanak tinukhawan aw ingkaliyag ku, oghogoton now to pagtagon to pagtu-u now to Magbobo-ot tanow, iyu no pigtagaman ku.

1 Taga-Tisalunika 2:19

Na mgo kasu-unan ku, ogpagkita-an ku podon iyu, su agad mahudi no adow, intawa to og-imanon noy to ogkita-on noy diyà to atubangan ni Jesus no Magbobo-ot ta ko umulì kandin dini ko konà no iyu. Intawa to ogtukhawan noy kandà no timpu ko konà no iyu. Intawa to igkasayà noy ko konà no iyu ko maka-atubang ki to Magbobo-ot ta diyà to langit.

1 Pedro 2:10

Natodu-on ita, konà kinow pad no sakup din. Dì kunto-on, nasakup kinow din on. Natodu-on wadà labot ta to ka-at to Diyus. Dì kunto-on nalabotan tad on to kà-at din.

1 Pedro 2:25

su natodu-on iyan na-angodan ta to mgo buhì no nalagak-lagak. Dì kunto-on nakabatuk kid on bali du-on to Diyus no Magbabantayay ita iyan aw Magsasalibon to umagad ta.