Lucas 14:23 - Kasulatan to Diyus

²³ Nig-ikagi to tagtu-un to pagko-onan to ‘Na andiya-i pad mandà to kahilit-hilitan agad diyà to daan dow kalasada ko moy igpagkita nu, hinggata to ka-otawan awos maponù to baoy ku aw paba-ota to pagko-onan ku

Lucas 14:23 ပူးပေါင်းရင်းမြစ်များ

Mateo 21:43

Na,” kagi ni Jesus, “iyu no mgo Hudiyu, og-agawan kow to sinakupan to Diyus aw ibogoy diyà to mgo otow no pighimu to Diyus no bogayanan su kandan, ogpamantuman to kasugu-an din.

Mateo 5:41

Ko ogpakalogahon ka to sundau kotob to songo kilumitru, dugangi now nasì daahi to songo kilumitru pad.

Lucas 14:22

Natabak to sugu-onon din to ‘Natuman on Sir to insugù nu. Dì maluyow pad agad mahan-ing pad.’

Lucas 14:24

su sikan mgo otow no pigpatawagan kud ikow, wadà ogpaka-anti to pagko-onan ku.’”

Lucas 24:29

Dì pighnggat dan to ogpahapiton diyà kandan aw ikagihi dan to “Mahapun on man. Ogpahapiton noy pad ikow dini kanami.” Dayun nigpagduma si Jesus kandan.

Mgo Hininang 16:15

aw pabonyag kandan. Dayun pighinggat koy ni Lydia to “Ko nadomdoman now to lagboy ad nigtu-u ki Jesus, umagpot kow diyà kanak baoy.” Dayun nigduma koy ki Lydia.

Mgo Hininang 18:6

Dì wadà tu-u kandan ki Pablo. Dì nasì on pigkablang dan si Pablo aw ina-inaha kandin. Dì nig-ikagi si Pablo to “Iyu on to ogbobo-ot ko pa-andiya-on kow on to banwa no kastiguhanan to saà. Wadad labot ku. Likat kunto-on, iyan on ogpasabuton ku to duma no otow.” Tinakin nigpanghiyab-hiyab si Pablo to kabò din awos mamalid to abug no niglikat du-on to kandan banwa no ta-indanan to wadà labot din kandan no mgo Hudiyu no mgo otow.

Mgo Hininang 28:28

Na pig-aboy ni Pablo to pagpangudlin din no nig-iling to “Na, ogtagahon ku iyu no mgo Hudiyu, nig-oyow kow on to pagbulig to Diyus no ogbulig podon iyu. Ogkabuligan on nasì to Diyus to mgo otow no konà no mgo Hudiyu su ogpapang-anadon a din. Ogpaminogon dan dà.”

Mgo Hininang 9:15

Kagi to Magbobo-ot, “Agad on man. Andiya-id, su pigpilì kud on si Saulo to ogpanoysoy bahin to kanak ngadan diyà to mgo harì aw mgo ka-Isrilihan aw duma no mgo ka-otawan no nigsingkabugtì no banwa dan.

Taga-Ruma 10:18

Dì to mgo Hudiyu no iyan mgo Isrili, dow nakadinog on kandan to tutuwanon bahin to Imananan to Ka-otawan? Nakadinog dà iyan kandan su napilahan on kandan no tu-ig to nakadinog on su angod dà to du-on to tahan no kasulatan no pig-iling to “To kagi to Diyus, binogdokan to langit to pigtangkapan. Aw kalitukan to kagi din, nalinginan so-i kapasakan to piglawosan.”

2 Taga-Kurintu 5:11

Mano nama-anan noy iyan to Diyus to kahadokanan, lagboy noy podon ogkahinggaton iyan to mgo otow to ogpasakup kandan to Magbobo-ot ta. To ginhawahan noy, ogkamatu-ud lagboy to Diyus to du-on wadà ka-iyan-iyan. Ogka-iman ku to iyu gayod, ogkakilaa now sikan.

2 Taga-Kurintu 5:20

Kaling man pighimu koy ni Jesu-Kristu no tumutubus din no dini kanami pabaya-a to Diyus to pagpapa-ulì din to mgo otow. Kaling man kanami no tumutubus ni Jesu-Kristu, malakas koy no ogpapa-ulì iyu diyà to Diyus.

2 Taga-Kurintu 6:1

Kaling man no pigpatubus koy to Diyus to pagtuman to igpahimu din, og-udlin koy iyu gayod to konà now puli og-uwakan to ka-at to Diyus no nadawat now

Taga-Kulusas 1:23

Ogkahimù sikan ko hogoton now to pagtu-u now aw tibuusa to ginhawa now aw konà ogkaduwa-duwa dow makasuwoy to og-imanon now likat to Madoyow no Tutuwanon no nadinog now pagpasabut iyu aw tibò dini to nalangkoban to langit aw kanak no si Pablo, katondanan ku to ogpasabut sikan.

Taga-Kulusas 1:28

Kaling man kanunoy koy ogpanoysoy bahin ki Jesus aw tibò, og-udlinan noy aw anada lagboy no awos mapa-atubang ku tibò no wadà saà du-on ki Jesu-Kristu.

2 Timoteo 4:2

So-idi to tugun ku ikow, kadoog ka ogpasabut to kagi to Diyus agad nokoy no adow. Ogtul-idon nu to otow no nakasaà. Ogbahogon nu to mangkado-ot. Og-udlin ka tibò. Konà nu ogka-awa-an to igpahimu nu to mgo tumutu-u. Konà nu ogbungku-an to pagpang-anad bahin ki Jesus.