Lucas 11:19 - Kasulatan to Diyus

¹⁹ Na, ko nadomdoman now to oggawang a to busow no impabayà to kabogbogan no imbogoy to tagtu-un kandan no si Bilsibul, intawa buwa to nigbogoy to kabogbogan to iyu no mgo sakup no ogpakagawang to busow. Usipa now kandan su mgo sakup now no ogpakagawang to busow, kandan to igmatu-ud to nakasaà kow su pighimu a now no nigdawat to kabogbogan likat ki Satanas no pighingadanan gayod ki Bilsibul.

Lucas 11:19 ပူးပေါင်းရင်းမြစ်များ

Mateo 10:25

Iyu no mgo sakup ku, konà now ogka-iman to igkatahud kow to ka-otawan su wadà a ikatahud. No pighingadanan a ki Bilsibul no tagtu-un to busow, lagboy on to pag-ina-ina to mgo sakup ku.

Mateo 4:24

Tibò pigtangkapan to kabantug din diyà to Siriya no banwa. Kaling man pigpandaa dan diyà ki Jesus to mgo nangkasakit no pig-abuy aw kan ogbatì to ogkawaas to lawa aw kan mgo otow no pigpansoodan to busow. Tibò din nangka-uli-an.

Lucas 19:22

Naka-ikagi to magbobo-ot to ‘Sikan no na-ikagi nu, igkabalitu ikow. Nama-anan nu man to ma-unug-unugon a no otow. Ogpuduton ku kan konà no kanak aw aniha to wadà ku kapagudi to pag-odok.

Lucas 9:49

Dì naka-ikagi si Juan to “Ho-o Sir, dì moydu-on nakita-an noy no otow no niggawang to busow diyà to otow no iyan piggamit din to ikow no ngadan. Dì pigsapadan noy su wadà man makalabot to ita no sinakupan.”

Mgo Hininang 19:13

Na moydu-on Hudiyu no otow no niglogob-logob to mgo kalunsudan no og-anti to ogpanggawang to mgo busow no nigsood to otow no pinabayà to paglituk to ngadan ni Jesus no Magbobo-ot. Nig-iling kandan to “Ogsugu-an ku iyu to ngadan ni Jesus no angod dà to impang-anad ni Pablo.”

Taga-Ruma 3:19

Na ita, nama-anan ta to iyan ingkabogoy to Diyus to kasugu-an su awos ma-unug to mgo otow no pigbogayan din. Kaling man ko sukutan ki to Diyus to paglapas ta to kasugu-an din, wadad igkatabak ta no ogho-un pad to ita no lawa. Dini to nalangkoban to langit, wadà otow no ogpakabalibad to pagkastigu kandin ko pa-atubangon kandin diyà to Diyus.