Juan 8:15 - Kasulatan to Diyus

¹⁵ su ogbobo-ot kow agad-agad to ogkadomdoman to otow puli. Dì kanak, konà no tu-ud ku to ogpambobo-ot a to mgo otow no madoyow aw mado-ot.

Juan 8:15 ပူးပေါင်းရင်းမြစ်များ

Lucas 12:14

Dì naka-ikagi si Jesus to “Konà a, su wadà a ikabotang no maghuhusoy.”

Juan 12:47

To ogpakadinog to kagi ku dì puli din ogpaliwlingawan, konà no kanak to ogbo-ot kandin su iyan ing-andini ku to kalibutan su ogtabangan ku to mgo otow. Konà a ogbo-ot kandan.

Juan 18:36

Nakatabak si Jesus to “To pagkaharì ku, wadà labot so-idi kalibutan. Ko nakalikat podon to kalibutan, og-atuhan kow podon to mgo sakup ku no wadà a podon daaha dini to punu-an to tinu-uhan to mgo Hudiyu. Dì kanak pagkaharì, wadà labot so-idi kalibutan.”

Juan 3:17

Pagpa-andini to Diyus to Anak din dini to kalibutan, konà no iyan tu-ud din to ogkastiguhon to mgo otow to saà dan dì oglipwasan din kandan to saà dan.

Juan 7:24

Ogpakabo-ot kow podon gayod agad-agad to katùtu-uhanan aw konà no agad-agad to ogkadagbow ta puli.”

Juan 8:11

Nakatabak to buyag to “Wadad on Sir.” Nig-iling si Jesus to “Konà ku gayod ikow ogbotangan to saà. Ogpakahipanow kad on dì konà nu og-uli-on oghinangon to mado-ot.”

Taga-Ruma 2:1

Kaling man nama-anan tanow to ogkastiguhon to Diyus to mgo otow no oghimu to mado-ot no innangon kud iyu, aw kastigu to Diyus no iyan wadà kabalibadanan to otow agad-agad kanunoy to pighimu to otow. Kaling man wadà podon otow no ogbo-ot to kasing-otow din no ogkakastigu to Diyus su to impa-abin din podon no saà to duma, du-on dà gayod kapa-abin kandin to saà su igbalitù dà su tibò dà man sala-an. Kaling man iyu no agad intawa, ko pa-abinon now to duma to saà, du-on dà gayod ogkapa-abin kow to saà.

1 Taga-Kurintu 2:15

Dì to otow no nasakup lagboy to Ispiritu Santu, ogpakakilaa kandin to tibò no niglikat to Ispiritu Santu dow agad ando-i to piglikatan. Dì kandin, konà ogkabotangan to saà to otow no wadà kasakup to Ispiritu Santu

2 Taga-Kurintu 5:16

Kaling man likat kunto-on wadà otow no ogkadomdoman noy no agad-agad to ogkakita-an puli. Agad natodu-on nadomdoman ku si Jesu-Kristu agad-agad to ogkakita-an puli dì kunto-on, konad on.

Santiago 2:4

Ko ilingon now on sikan, moydu-on on iyu pigpilì aw bo-oti now kandan agad-agad to domdom now no puli otow no konà no hustu.