Juan 7:5 - Kasulatan to Diyus

⁵ Su agad kan mgo su-un din, wadà makatu-u to kandin iyan to Imananan to Ka-otawan.

Juan 7:5 ပူးပေါင်းရင်းမြစ်များ

Mateo 12:46

Na naka-abut on to inoy ni Jesus aw mgo hadi din ta-un to nig-ikagi pad si Jesus. No diyà dà kandan to labas, puli dan impasabi si Jesus su mahan-ing no nadasok.

Marcos 3:21

Naman-iling to ka-otawan to “Langog buwa so-idi no otow.” Naman-iling to mgo mag-a-anad to “Sikan no otow, pigsoodan buwa ni Bilsibul no iyan si Satanas. Nabogayan kandin to kabogbogan to tagtu-un to mgo busow to ogpakagawang to mgo busow ko ogsood to mgo otow.” Na to mgo kadumahan ni Jesus, pagkadinog dan to nawnangonon to mgo otow bahin kandin, naman-andu-on kandan ki Jesus su ogdokaton dan kandin.

Juan 7:10

Dì no pagkali-us to mgo su-un din, nighipanow on si Jesus padoog mandà diyà to Hirusalim dì wadà pagba-ot to kahan-ingan no otow no ogtu-ud diyà to Hirusalim. Dì nigpa-awoy kandin no nighipanow.

Juan 7:3

Kaling kan mgo su-un ni Jesus, pig-ikagihan dan kandin to “Nokoy man no wadà ka andiyà to Hudiya no prubinsiya awos buma-ot to hinang diyà to Hirusalim su awos makita-an to mgo hininang nu to mgo kasakupan nu diyà.

Juan 7:4

Ko ogpabantug ka, konà nu ighobong to mgo oghinangon nu. Ko tùtu-u to oghimuhon nu to kaboonganan, igpa-ahà nu to ka-otawan.”