Juan 6:45 - Kasulatan to Diyus

⁴⁵ Na, nasulat on du-on to kasulatan to mgo lagsoban to Diyus no maglilikwaday din natodu-on no pig-iling to ‘Tibò to ogpasakup to Diyus, og-anadon din.’ Na to otow no nakadinog to kagi to Diyus aw anada to Amoy ku, ogpakapa-agad no ogpakapasakup kanak.

Juan 6:45 ပူးပေါင်းရင်းမြစ်များ

Mateo 11:27

Pagkatapus ni Jesus to nig-ampù to Diyus, nigpanoysoy mandà kandin to kahan-ingan bahin to pigsakupan to Diyus. Kagi din, “To Amoy ku, imbogoy din kanak to tibò no katùtu-uhanan. Wadà duma no nigkilaa lagboy to Anak, ko konà no Amoy dà, aw wadà duma no nigkilaa to Amoy ko konà no Anak dà gayod aw tibò to pigpilì din no ogpakilahon din to Diyus.

Mateo 17:5

No malituk ni Pedro tinakin to nasaungan kandan to gabun no ogsilawon kandan to pag-ahà. Na du-on nadinog dan to kagi no niglikat to gabun no na-iling to “So-idi to nalogonan ku lagboy no Anak ku no naliyagan ku lagboy. Kandin to ogpaminogan now.”

Marcos 1:2

Sikan no pananglitan to Diyus, impasulat din natodu-on to maglilikwaday din no lagsoban. Iyan ngadan din si Isaias. Sikan pananglitan to Diyus pig-iling to, “Na, kunto-on pigpa-andiyà ku to sugu-onon ku to kahanongan no banwa. Oghina-aton din to daan nu no igbayà nu.

Lucas 1:70

Su to mgo lagsoban to Diyus no maglilikwaday din, natag-an dan

Lucas 18:31

Na, no namanghipanow kandan si Jesus padoog diyà to Hirusalim, pigpaduguk din to mgo pangabaga din no sampuù tag duwa aw tongopi din to pag-ikagi no nig-iling to “Moydu-on ignangon ku iyu tibò. Ogpaka-andiyà kid mandà to Hirusalim aw tibò to nasulat to mgo maglilikwaday to Diyus natodu-on bahin to Tumutubus to Ka-otawan, ogkatuman on,

Juan 10:27

Dì to kanak no mgo karniru, ogpamakadinog kandan to kagi ku, aw nighitagam koy on, aw duma kanak,

Juan 6:37

Tibò no otow no imbogoy kanak to Diyus, ogpakapa-agad ogpakapasakup kanak. To ogpasakup kanak, konà ku oggawangon to atubangan ku

Juan 6:65

aw ikagi kandin to “Kaling man nignangon a iyu to wadà otow no ogpakapasakup dini kanak ko konà no Diyus no Amoy to og-allad kandin dini kanak.”

Mgo Hininang 13:40

Ogdowdoyawon tad kunto-on ko matuman tad to na-ikagi to maglilikwaday to Diyus no pig-iling to

Mgo Hininang 7:42

Dayun pigtalikudan on kandan to Diyus aw wadà babagi kandan to Diyus to pag-ampù to bugtì no ampu-onon no mgo ogpamansilat diyà to langit. Natuman on to nasulat diyà to kasulatan to mgo maglilikwaday to Diyus no pig-iling to, “‘Iyu no kasinugpu-an ni Israel, konà no kanak to pig-ampu-an now sood to kap-atan no tu-ig diyà to katahayan no banwa no pagkalibod-libod now.

Taga-Ipisu 1:17

To Diyus ni Jesu-Kristu no Magbobo-ot ta no ogkatahudan, ogpangamuyu-an ku kandin no Diyus no Amoy no piglikatan to panalangin tibò to ogpasoodan kow din lagboy to Ispiritu Santu no ogpakapa-ugsob iyu aw igka-abli to iyu no domdom awos mataga kow lagboy kandin.

Taga-Pilipus 3:15

Itanow no nahogot to pagtu-u, sikan to ogsabutan ta. Dì ko moydu-on domdom no bugtì, ogtagahon kow dà to Diyus.

1 Taga-Tisalunika 4:9

Na, bahin to paglinogonay now, konà a ogpakapang-anad iyu su to Diyus, nigpang-anad on iyu sikan no kadodoog

Hibriyu 10:16

“So-idi to pagsahad ku kandan to mahudi no adow bahin to bayà no kadodoog, igbotang ku to kasugu-an ku du-on to kandan ginhawahan aw igsulat ku du-on to domdom dan.”

1 Juan 2:27

Dì konà kow ogkapook-pook su sikan imbogoy iyu ni Jesus no iyan Ispiritu Santu, mamonang dà du-on iyu. Aw mano du-on iyu kandin, wadà pigboong now no ogpaka-anad iyu. Su kandin, ogpang-anad iyu to tibò no igpapang-anad iyu Diyus. Kandin impang-anad tùtu-u, konà no gaù. Kaling man ogtumanon now to igpang-anad iyu to Ispiritu Santu aw igpapaghiduma din iyu lagboy ki Jesu-Kristu.