Juan 3:28 - Kasulatan to Diyus

²⁸ Dì iyu, ogmatu-udon now to kanak, na-ikagi kud on iyu to konà a no Imananan to Ka-otawan. Dì napa-una a kandin awos mahina-at ku to pagdatong din.

Juan 3:28 ပူးပေါင်းရင်းမြစ်များ

Mateo 3:3

Na si Isaias no lagsoban to Diyus natodu-on, intag-an din tahan bahin to ki Juan no kabahinan su nig-iling kandin to “Diyà to kahanongan no banwa moydu-on nigpangudlin to ma-agbot lagboy no nig-iling to ‘Oghina-atan now to daan to Magbobo-ot ta. Ogtul-idon now to igbayà din!’”

Lucas 1:76

Aw ikow no batà ku, ogkahingadanan ka to maglilikwaday ka to Kinalabawan no Diyus, su ogpa-unahan ikow to Magbobo-ot awos mahina-at nu to igbayà din

Juan 1:20

Dì pagtabak ni Juan sikan nigpang-usip-usip bahin to katondanan din, nignangon kandin to tùtu-u no nig-iling to “Konà no kanak to Imananan to Ka-otawan.” Wadà kandin ginaù bahin to katondanan din.

Juan 1:23

Nakatabak si Juan to “Puli a napa-atubangan to kagi no na-iling to ‘Diyà to kahanongan no banwa moydu-on nigpangudlin to ma-agbot lagboy no nig-iling to, Oghina-aton now to daan to Magbobo-ot ta. Ogtul-idon now to igbayà din,’ su sikan to intag-an natodu-on ni Isaias no maglilikwaday no lagsoban to Diyus.”

Juan 1:25

naman-iling kandan to “Ko konà ka no Imananan to Ka-otawan aw ko konà ka no si Elias aw ko konà ka gayod no maglilikwaday no og-imanon noy to oglogwà to kinahudihan, nokoy man no pigpambonyagan nu kan no mgo ka-otawan.”

Juan 1:27

Kandin to ogsukoli kanak. Kanak igatang podon ogpabatà-batà a du-on kandin. Dì konà a su labow pad man lagboy kandin dini kanak to kabogbogan.”