Juan 21:3 - Kasulatan to Diyus

³ Na tigpoak naka-iling si Simon Pedro to “Na kanak, ogpangisdà a.” Naka-iling koy tibò to “Na, su agun ogduma koy ikow.” Dayun namanhipanow koy on aw pamanluwan koy to bautu. Dì puli koy on nabukasan, wadà napudut noy no isdà.

Juan 21:3 ပူးပေါင်းရင်းမြစ်များ

Lucas 5:5

Naka-ikagi si Simon to “Nabukasan koy on, Sir. Puli koy on lagboy napagud no matuu wadà man napudut noy no isdà. Dì ikow, su insugù nud on Sir, kanak, ogtumanon kud.”

Juan 21:4

Na pagkabukas, nakita-an noy to otow no nigsakindog du-on to boyboy dì wadà noy kilaha kandin. Dì si Jesus man na-an.

Mgo Hininang 18:3

nigbo-ot kandin to ogpag-agpot du-on kandan no mag-asawa. Nigpagtibò kandin to pagtalabahu su nig-a-angod dà man to panapì dan tibò no maghihimu kandan to tulda.

Mgo Hininang 20:34

Nama-anan now dà man to kanak dà to nigbuhì to kanak tu-un no lawa. Wadà a salig to duma, dì nigdaa a gayod to mgo timbang ku no nigduma kanak.

1 Taga-Kurintu 3:7

Kaling man konà no kamatu-udan to otow no ogtanom. Konà gayod no kamatu-udan to otow no og-alagà. Dì Diyus to kamatu-udan no ogpatulin.

1 Taga-Kurintu 9:6

Intobo-ot now buwa dow kanami aw si Bernabe to ogpakapangabuhì to kanami lawa, dì to duma no tumutubus, konà. Dì kanami to nigbobo-ot nasì to kanami dà to ogbuhì to kanami lawa.

1 Taga-Tisalunika 2:9

Na mgo su-un ku, to pagpasabut noy iyu to Madoyow no Tutuwanon to Diyus natodu-on, konà now iyan ogkalingawan to pagkapagud noy no paghisakot to pagpangita noy to kanami ingkabuhì su nigpa-omot koy adow aw madukilom awos kanami, konà koy makapabuhì diyà iyu.