Hibriyu 13:7 - Kasulatan to Diyus

⁷ Konà now ogkalingawan to panguu now natodu-on no nigpang-anad iyu to kagi to Diyus. Domdoma now to nadoogan dan aw unuga now to pagtu-u dan ki Jesus.

Hibriyu 13:7 ပူးပေါင်းရင်းမြစ်များ

Mateo 24:45

“Na intawa man to sakup no ogka-amu no ogkasaligan aw matuman-tumanon. Sikan sakup no iyan oghinangon to tagsakup no magbobo-ot to mgo sood din aw pamahanduga to kapookanan diyà to duma no kasakupan din.

Lucas 12:42

Naka-iling si Jesus to “Nig-ikagi a diyà to sakup no matinumanon aw ka-amu no ogkasaligan to tagsakup kandin no oghandug to kapookanan diyà to duma no kasakupan din.

Lucas 5:1

Na si Jesus no diyà kandin to boyboy to dagat to Ginisarit, napuunan kandin to ka-otawan. Nigpasabut kandin to kagi to Diyus no nigsakindog kandin. Dì kandin, nadasokan to ka-otawan no ogpaminog to kagi to Diyus du-on to boyboy to dagat.

Lucas 8:11

“Na so-idi to kalitukan to pananglitan ku. Tugdow, to binhì no in-odok, iyan ogka-angodan to kagi to Diyus.

Mgo Hininang 13:46

Dì si Pablo aw si Bernabe, wadà hadok-hadok dan, dì nasì pigdugangan to pagpanoysoy dan aw ikagi to “Na mgo kasu-unan no mgo Hudiyu, iyu to tugdow no nangkanangonan to kagi to Diyus. Dì nigsupak kow man. Og-oyow kow to kinabuhì no konad ogkawadà. Kaling dì ogpasabut koy on nasì to nigsingkabugtì no mgo otow no konà no Hudiyu su iyu, wadà kow tu-u to kagi to Diyus,

Mgo Hininang 14:23

Na kada sinakupan to Diyus no inabut kan tumutubus ni Jesus, imbotang dan to mgo panguu. Naman-ampù kandan to Diyus aw pu-asa aw pangamuyù kandan to Diyus to kanunoy ogbantayan kan mgo bayà no kasakupan din.

Mgo Hininang 4:31

Pagkatapus to pag-ampù dan to Diyus, nigday-og to bao y. Natogob lagboy kandan to kabogbogan to Ispiritu Santu aw ampan gayod mgo hadok to paglikwad to kagi to Diyus.

Taga-Ruma 10:17

Na og-uli-on tad to innangon kud iyu. To pagtu-u ta no otow, nadinogan ta to piglikatan no tutuwanon bahin to Imananan to Ka-otawan.

1 Taga-Kurintu 10:13

Ko nabogayan ki to pa-antihan, tahan ta dà iyan no otow tibò. Dì ogkasaligan ta to Diyus to konà ogtugutan to ogpabogayan ki to pa-antihan no konà ta ogkatuwa-ay su ma-ongod-ongodon kandin. Dì ko mabogayan ki to pa-antihan, ogkabogayan ki gayod to Diyus to igkalipwas ta hantod to matuwa-ay ta.

1 Taga-Kurintu 11:1

Ogpagoadon ku iyu no angod dà to paggoad ku ki Jesu-Kristu.

1 Taga-Kurintu 4:16

Mano nahimu ad no amoy now, oggoadon a now.

Taga-Pilipus 3:17

Na mgo kasu-unan ku tibò, ogpagoad a pad iyu. Og-indanan now kan oggoad kanami no goadonon now gayod podon.

1 Taga-Tisalunika 1:6

Na iyu, piggoad koy now natodu-on to pagtukhow noy aw si Jesus no Magbobo-ot ta su to pagdawat now on to kagi to Diyus, natuwa-ay now on to kalisodan lagboy. Dì agad natuwa-ay now on to kalisodan, dì namantukhow kow on nasì no natibuus to ginhawa now su pigbuligan kow to Ispiritu Santu.

1 Taga-Tisalunika 2:13

Na kanami, kanunoy koy ogpasalamat to Diyus su to paglikwad noy iyu to kagi to Diyus, pigdawat now no konà no kagi to otow dì kagi to Diyus, su sikan iyan to kagi to Diyus. Na to kagi to Diyus, moydu-on kabogbogan diyà iyu no namantagon to pagtu-u kandin.

2 Taga-Tisalunika 3:7

Nama-anan now on ma-amonu to igpatuman to oggoad kanami su ton du-on koy pad iyu, konà koy no mahukow.

2 Taga-Tisalunika 3:9

Litos no ogpangamuyù koy iyu podon, su kanami to ogpang-anad iyu, dì wadà koy man su kaliyag koy man to kanami nasì to oggoadon now.

1 Timoteo 3:5

Su to otow no konà ogka-amu to pagpanguu to asawa din to madoyow aw batà din, amonuhon to pagdaa din to madoyow to mgo sinakupan to Diyus.

Hibriyu 13:17

To mgo panguu now, ogtumanon now aw pasakup kow diyà kandan su insalig kandan to Diyus to ogpabantayan to kinabuhì now no konad ogkawadà aw to mahudi no adow ogpakanangon kandan to Diyus bahin to insalig kandan. Dì oghimuhon now sikan no tukhawanan dan, konà no kaduyong-otanan su ko konà, wadà puus now sikan.

Hibriyu 13:24

Igpangamusta a now to mgo panguu now du-on aw mgo kasinakupan to Diyus du-on. Mgo kasu-unan ta no taga-Italiya, igpangamusta dan gayod iyu.

Hibriyu 6:12

awos podon konà kow ablayon to pagtagad. Dì oggoadon now to mgo tumutu-u no nahogot to pagtu-u dan agad wadà tumana dayun to kagi to Diyus du-on kandan, dì wadà dan ka-ablayi to insahad din tumakas no nadawat dan dà.

1 Pedro 4:11

Ko bogayan ki to kabogbogan to pag-ikagi, ogpa-awosan ta to og-ikagi no angod to pig-abut ki to kagi no igpalikwad to Diyus. Ko bogayan ki to katondanan to ogtabangan to mgo sinakupan to Diyus, ogsaligan ta to ka-ugsoban no imbogoy to Diyus no igtuman ta to igpahimu ita to Diyus awos pasaya-on to Diyus no ogpabaya-on ki Jesu-Kristu no saya-onon aw makasakup to wadà katapusan. Amin.

Sikan Impa-ahà ki Juan 1:9

Na kanak no si Juan no su-un now to pagtu-u ta ki Jesus no nabogkot kinow, na-a-angod kinow on su agad pig-uwang-uwangan kinow su sakup kinow to pagkaharì din, dì natibuus dà to ginhawa ta. Na likat to pagpasabut ku to kagi to Diyus bahin ki Jesus, piggawang a du-on to banwa ku aw pakamonang a diyà to puù to dagat no pighingadanan to Patmus.

Sikan Impa-ahà ki Juan 20:4

Na nakita-an ku to mgo pangkà no pigpang-ingkudan to pigpamabo-ot. Nakita-an ku gayod to umagad to mgo otow no pigtampodan to li-og su nigpamasabut kandan bahin ki Jesus aw tagon to kagi to Diyus aw wadà kandan pamang-ampù ton mamang no magsisibad aw sikan pighimu no imo-ot kandin no inotow-otow aw wadà kandan maka-uyun to ogpa-indan to goya dan dow boad no sikan indan no pigtu-un sikan mamang. Pigpambuhoy kandan aw makapagtibò ki Jesus no tùtu-u no Imananan to Ka-otawan aw ogsakup to sood to songo maan no tu-ig.

Sikan Impa-ahà ki Juan 6:9

Na pigbadbad to Nati to ikalima no balitos du-on to basahon no piglukut. Iyan nakita-an ku du-on to saom to sundu-anan to umagad to mgo pighimatayan su namantagon kandan to kagi to Diyus aw impasabut dan to kagi din.