Hibriyu 13:20 - Kasulatan to Diyus

²⁰ Na to Diyus no piglikatan to kalinaw, pigbuhoy din aw tuusa din si Jesus no Magbobo-ot ta no labow no tagbuhì ita no angod to karniru. No igpabayà to langosa ni Jesus no pigpataug no nigpakimatoy ita no du-on kakita-i to insahad itanow to madoyow no induguk ta du-on to Diyus no wadà katapusan,

Hibriyu 13:20 ပူးပေါင်းရင်းမြစ်များ

Mateo 26:28

su kanak to ogpakatubus no ogpakamatoy to saà to mgo otow dini to kalibutan awos ogkapasaylu dà to saà. So-idi no inomon, langosa ku no ogpataugon ku no igpa-inom ku iyu tibò su ogpakimatoy a iyu awos mapasaylu dà to saà now. So-idi to ta-indanan to bayà no insahad no pighimu iyu to Diyus. Na so-idi to panugun-tugun ku iyu.

Marcos 14:24

Nig-iling si Jesus to “Kanak on to ogpakimatoy to saà to mgo otow dini to kalibutan. So-idi inomon, langosa ku dà no ogpataugon ku su ogpakimatoy a iyu.

Lucas 22:20

Pagkatapus to pagko-on, pigdawat din to duma no kabù aw pama-inoma din no pigdonganan to kagi no pig-iling to “So-idi inomon, langosa ku no ogpataugon ku no ogmatu-ud to bayà no insahad to Diyus iyu su ogpakimatoy a iyu.

Juan 10:11

“Na kanak no tagbuhì, madoyow to pagdaa to buhì no sakup ku su ogpakimatoy a to sakup ku su awos mangkabuhì kandan.

Juan 10:14

Dì kanak iyan to tagbuhì aw kanak aw binuhi-an ku, nighitatagam koy man

Mgo Hininang 13:30

Dì pigbuhoy dà kandin to Diyus.

Mgo Hininang 17:31

Su moydu-on adow to Diyus to ogpabo-otan din to Anak din no si Jesus to mgo otow dini to babow to pasak. Si Jesus to pigpilì din no ogbo-ot no ogkatu-uhan to mgo otow su binuhoy man kandin to Diyus.”

Mgo Hininang 2:24

Dì wadà tuguti to Diyus to ogkatuyunan si Jesus no namatoy su pigbuhoy dà si Jesus to Diyus su katahani ni Jesus konà no ogkatuyunan to kamatayon.

Mgo Hininang 2:32

“Na, todu-on no otow no si Jesus no pigbuhoy on to Diyus no Amoy aw tuusa aw kandin no nigdumduma kandin, ogpakamatu-ud sikan. Pigbayow on si Jesus diyà to langit aw pa-ingkuda kandin diyà dapit to kalintu-u to Diyus. Dinawat ni Jesus to Ispiritu Santu no imbogoy to Diyus no Amoy no natuman to impanahad din natodu-on. Na si Jesus, pigpama-abutan din to Ispiritu Santu diyà to sinakupan din no nasakpanan ta pad lagboy ganina.

Mgo Hininang 3:15

Si Jesus man to piglikatan to kinabuhì. Dì pighimatayan now on man nasì. Dì pigbuhoy dà kandin to Diyus no kanami, ogpakamatu-ud koy iyan.

Mgo Hininang 4:10

ogkamatu-ud ku diyà iyu aw duma no kasinugpu-an ni Israel dow ando-i to piglikatan sikan no kabogbogan. To naka-ulì kandin, kabogbogan to ngadan ni Jesu-Kristu no taga-Nasarit no otow todu-on pigpadodopa now diyà to kinurus dì pigbuhoy dà to Diyus.

Mgo Hininang 5:30

Diyus no ampu-onon to ka-aw-apu-an ta, pigbuhoy din dà si Jesus no pighimatayan now aw pigpadodopa now diyà to kinurus. Pigbuhoy si Jesus to Diyus

Taga-Ruma 1:4

Kandin no kinatuwadongan, namatu-ud iyan no Anak to Diyus no impabayà to kaboonganan no pagbuhoy kandin likat du-on to nangkamatoy aw tuusa.

Taga-Ruma 10:7

Wadà dà gayod ilinga dini ita to “Madoyow podon ko moydu-on og-andiyà to banwa to mgo nangkamatoy no kadaoman no banwa awos madokat to umagad ni Jesus awos buhayon kandin.” Dow sikan to igpatuman ita? Konà man iyan

Taga-Ruma 15:33

Na, Diyus no piglikatan to kalinaw, matandu-an kow din. Amin.

Taga-Ruma 16:20

Aw Diyus no piglikatan to kalinaw, konà no maugoy igpada-og din iyu si Satanas. Madumahan kow to ka-at ni Jesu-Kristu no Magbobo-ot ta no niglikat to kabo-ot din.

Taga-Ruma 8:11

Mano Diyus to nigbuhoy ki Jesu-Kristu no nigpasood gayod dini ita to Ispiritu Santu, kandin iyan to ogpakabuhoy gayod ita no igpabayà to Ispiritu Santu no mamonang dini ita.

1 Taga-Kurintu 14:33

su to Diyus, konà no piglikatan to konà no matapid. Kalinaw dà kanunoy no paghiduma to niglikat kandin.

1 Taga-Kurintu 15:15

Asta kanami gayod, nahimu koy podon no gau-on no mgo otow to pagnangon noy bahin to Diyus. Su innangon noy on to pigbuhoy si Jesu-Kristu to Diyus. Dì wadà podon buhaya si Jesu-Kristu ko konà podon ogbuhayon to mgo nangkamatoy.

1 Taga-Kurintu 6:14

Si Jesus, pigbuhoy to Diyus aw tuusa kandin. Ita gayod, ogbuhayon din aw tuusa no igpabayà kandà no kabogbogan din su nasobu-uk kinow man.

2 Taga-Kurintu 13:11

Na mgo kasu-unan, ogba-id ad iyu. Usaba now to batasan now. Tumana now sikan kanak mgo tambag su igkadoyow now. Og-u-uyun-uyun kow. Ogdinumahay kow. Malinaw on podon kadoog to pag-ugpà now aw kadumahi kow to Diyus no piglikatan to kalinaw aw paglogon.

2 Taga-Kurintu 4:14

su nama-anan noy iyan to mano pigbuhoy to Diyus si Jesus no Magbobo-ot ta, ogbuhayon koy man gayod no nakatampu koy ki Jesus, aw angod dà iyu gayod, ogpambuhayon no ogpamadugukon kinow on tibò diyà to atubangan to Diyus.

Taga-Galasiya 1:1

Sulat likat kanak no si Pablo aw mgo su-un ku dini to pagtu-u. Konà puli no otow to nigpilì kanak dì imbotang a no tumutubus ni Jesu-Kristu aw Diyus no Amoy din no nigbuhoy kandin aw tuusa. Sulat ku diyà iyu no mgo kasinakupan to Diyus no taga-Galasiya.

Taga-Ipisu 1:20

angod dà to imbuhoy din ki Jesu-Kristu aw tuusa aw ibotang kandin diyà dapit to kalintu-u to Diyus no igpatahud din ki Jesus.

Taga-Pilipus 4:9

Ogtumanon now to pigdawat now to impang-anad ku iyu no madoyow. Sikan nadinog now no niglikat kanak aw kakita now, ogtumanon now awos ogtandu-an kow to Diyus no piglikatan to kalinaw.

Taga-Kulusas 2:12

su to pagpabonyag ta, nig-unung ki to paglobong kandin aw makatampu ki gayod to pagbuhoy ita aw tuusa no pinabayà to pagtu-u ta to kabogbogan to Diyus no nigbuhoy gayod ki Jesus.

1 Taga-Tisalunika 1:10

Su pig-iman now on kun to Anak din no oglikat diyà to langit no sikan pig-iman now no si Jesus no Anak to Diyus no pigbuhoy din. Si Jesus gayod to ogpakaluwas to langot to Diyus dini ita.

1 Taga-Tisalunika 5:23

Na Diyus no piglikatan to kalinaw no pag-ugpà now, malimwasan kow din tibò, agad ginhawahan aw domdom aw lawa awos wadà saà now diyà to atubangan ni Jesus no Magbobo-ot ta to umulì kandin dini.

2 Taga-Tisalunika 3:16

Na, mabogayan kow to Magbobo-ot ta to kalinaw su kandin to piglikatan to kalinaw tibò. Matandu-an kow to Magbobo-ot ta kanunoy.

Hibriyu 10:22

ogdugukon ta to Diyus no ogtibuuson ta to ginhawa ta no oghogoton gayod to pagtu-u ta. Ogkahimu sikan su angod to pigwitik-witikan ki to langosa ni Jesus no nigpakimatoy to ita no saà aw wadad on nasukoniban ta no saà aw inmatu-ud to pagpasakup ta to pagpabonyag ta no angod to lawa ta, pinahugasan to mating-ow no wohig.

Hibriyu 10:29

Dì labi pad to ogkadoogan to kabogat to kastigu no ogdo-og du-on to otow no oggi-ok to Anak to Diyus aw oggi-okan din to langosa no ingkagawang to saà din aw pa-inahi din to Ispiritu Santu no ognangon to otow bahin to ka-at to Diyus.

Hibriyu 9:20

aw ikagi si Moises to “So-idi langosa to igmatu-ud to kasugu-an to Diyus no impa-unug din iyu.”

1 Pedro 1:21

No pinabayà ki Jesus, nigtu-u kid to Diyus no nigbuhoy kandin aw tuusa gayod. Kaling man pigsaligan tad to Diyus kunto-on aw imana ta to ogtuuson ki din gayod su sakup ki din man.

1 Pedro 2:25

su natodu-on iyan na-angodan ta to mgo buhì no nalagak-lagak. Dì kunto-on nakabatuk kid on bali du-on to Diyus no Magbabantayay ita iyan aw Magsasalibon to umagad ta.

1 Pedro 5:4

Ko himuhon now sikan to konà pad umulì dini si Jesus no kinalabawan no tagbuhì, ogbaosan kow din aw palabawa kow din no ogkapalabot kow kandin no wadà katapusan.