Hibriyu 10:37 - Kasulatan to Diyus

³⁷ Kanunoy tad ogtagadan no konà ta ogka-ablayan su nasulat on natodu-on no pig-iling to “Madaas og-andini kan pigtagadan ta, aw konà no malinggat kandin.

Hibriyu 10:37 ပူးပေါင်းရင်းမြစ်များ

Mateo 11:3

no igpa-iling to “Dow ikow iyan to Imananan to Ka-otawan? Dow moydu-on duma no ogka-iman pad to ka-otawan no oglogwà.”

Lucas 18:8

Madaas din iyan ogkastiguhon. Dì ogpaka-usip a iyu to man-u pad buwa to mgo otow dini to babow to kalibutan no ogtu-u pad dini kanak aw ampù to Diyus to umulì ad no Tumutubus to Ka-otawan to mahudi no adow.”

Taga-Pilipus 4:5

Ogpakobos kow du-on to tibò no mgo otow su madaas og-ulì dini to Magbobo-ot ta.

Hibriyu 10:25

Ita no sinakupan to Diyus, konà ta ogbungku-an to paghihimun angod to pighimu to duma aw labi on kunto-on su madaas on ogkagotò to adow to pag-ulì to Magbobo-ot dini ita.

2 Pedro 3:8

Dì mgo kasu-unan, konà now ogkalingawan bahin to Diyus, to kahabà to songo adow aw to kahabà to songo maan no tu-ig, sikan dà.

2 Pedro 3:9

Agad moydu-on naka-intobo-ot to ogkatalisan to Diyus to in-ikagi din, dì konà iyan su inlugoy din su anambo-ot din to makahutoy pad to mgo otow no ogsosoo aw oyowi to batasan dan no mado-ot su wadà pigbo-otan din no konà din oglipwasan.

Sikan Impa-ahà ki Juan 22:20

Kandin no nigmatu-ud sikan tibò, og-iling to “Tùtu-u iyan. Madaas ad ogdatong.” Na Jesus no Magbobo-ot noy, ogpangumanayon ka, andini kad iyan.