Hibriyu 10:26 - Kasulatan to Diyus

²⁶ Na ko nadawat tad on to katùtu-uhanan bahin to pagpasaylu to saà ta, dì ko ogpadayongon ta dà nasi to ogtu-udan ta to ogpakasaà, wadad on igkasundù no ogpakagawang to saà ta.

Hibriyu 10:26 ပူးပေါင်းရင်းမြစ်များ

Lucas 12:47

“To sakup no nama-an to igpahimu to tagsakup kandin dì wadà hina-ata aw wadà tumana to igpahimu to tagsakup aw wadà agdam to a-abutay to tagsakup, ogkabunaan lagboy.

Juan 13:17

Ko madaagan now sikan no impang-anad ku, ogkaliyag kow ko matuman now.

Juan 9:41

Natabak ni Jesus, “Ko nasì tahan kow podon pisok, wadà podon saà now. Dì mano pig-ikagi now to ‘Ogpakakita koy dà,’ pigdokotan kow nasì to saà.”

2 Taga-Tisalunika 2:10

Aw to mgo otow no mado-ot no tahan on kastiguhonon to Diyus, puli ogka-iyan-iyanan kandan kan no otow no kinado-otan no igpabayà to kado-otan din su to mgo otow no mado-ot, ogsupak kandan to katùtu-uhanan no ogpakabogoy to kinabuhì no konad ogkawadà.

1 Timoteo 1:13

Natodu-on agad kanunoy ku napa-inahan to ngadan ni Jesus aw na-ina-ina ku aw napahadatan ku pad to mgo kasakupan din, dì nasì pigka-atan a din dà man su puli a nakahimu sikan no mado-ot su wadà a pad tu-u kandin su wadà ku pad katagahi dow intawa lagboy kandin.

1 Timoteo 2:4

no ogkaliyag podon kandin to ogkalipwasan to tibò to mgo otow to saà dan aw kama-ani dan to katùtu-uhanan no impang-anad to Diyus.

Santiago 4:17

Konà now gayod ogkalingawan to otow no nama-anan din dow nokoy to madoyow to oghimuhon din dì konà din ogtumanon sikan, ogkahimu kandin no ogpakalapas to kasugu-an to Diyus.

1 Juan 5:16

Na ko moydu-on ogpakakita to duma din no nakasaà, dì kan saà din, konà no wadad kapasayluhanan to Diyus, og-ampu-an din to duma din aw kabogayi din nasì to pagpadani diyà to atubangan to Diyus. To otow no nakasaà to konà no wadad kapasayluhanan to Diyus, ogka-ampu-an ta. Su moydu-on saà no wadad kapasayluhanan to Diyus no bullug on iyan to pagkatambalingu sikan no otow. Ko sikan, konà ku ogpa-ampu-on iyu.