2 Taga-Kurintu 1:8 - Kasulatan to Diyus

^8-9 Iyan lagboy ingkanangon noy iyu to ogka-amu iyan to Diyus to pagpatibuus to ginhawa now agad malisodan kow su pinatibuus din to kanami ginhawa agad lagboy koy nalisodan. Madoyow podon ko matagahan now to kalisodan no nabayà-baya-an noy diyà to Asiya. Ogkamatoy koy on podon hantod to wadà koy iman no kanami, ogkabuhì koy pad. Intobo-ot noy dow sikan on to pagkagotò to kamatayon noy. Dì wadà man su na-iling na-an sikan awos konà noy masaligan to tu-un noy no lawa dì masaligan noy nasì to Diyus no kandin iyan to ogpakabuhoy to namatoy on aw tuusa din.

2 Taga-Kurintu 1:8 ပူးပေါင်းရင်းမြစ်များ

Mgo Hininang 16:6

Na kandan si Pablo, piglabayan dan to mgo prubinsiya to Pirigiya aw Galasiya, su oglipasan man to Asiya su wadà tuguti kandan to Ispiritu Santu to ogpakapangudlin diyà sikan no mgo kalunsudan sikan no timpu.

Mgo Hininang 19:41

Pagka-udlin to ukum, pigpamasusuwoy-suwoy din to kahan-ingan.

Mgo Hininang 2:9

Na, so-idi kinow on no taga-Partiya, taga-Midiya, taga-Ilam, taga-Misuputamiya, taga-Hudiya, taga-Kapadusiya, taga-Puntu, taga-Asiya,

Taga-Ruma 1:13

Dì igkanangon ku iyu mgo kasu-unan to masabid ad nahimos to og-andiyà iyu podon, dì hantod kunto-on nababagan a pad. Nigpang-anad a podon iyu awos to kagi to Diyus tumuga du-on iyu angod dà to pagtuga diyà to mgo duma no katimamanwahan agad konà no Hudiyu kandan.

1 Taga-Kurintu 15:32

Ko konà podon no tùtu-u to ogpambuhayon to nangkamatoy, nokoy to puus ku to pigtuwa-ay kud to pag-uwang-uwang to mgo otow dini to Ipisu no mamang no kablang ni Jesu-Kristu. Ko wadà podon ogpambuhayon, ogsunudon ta podon nasì to mgo otow no wadà tu-u to Diyus no og-iling to “Ogkino-on-ko-on ki aw ininom-inom, su kasoom, ogkamatoy ki dà.”

1 Taga-Kurintu 16:9

su mahutoy ad to ogtuman to igpahimu to Diyus dini no ogkatugahan dì mahan-ing man to ogbalatak podon.

1 Taga-Kurintu 4:8

Na iyu, domdom now buwa to nalitosan kow on aw natingub kow on no wadà pigboong likat to iyu dà no na-unahan koy now agad kanami to nigpang-anad iyu. Nahimu kow on buwa no harì diyà to pigsakupan to Diyus. Na lamanon ko nahimu kow on podon no harì su ogkalabotan noy podon to pagkaharì now.

2 Taga-Kurintu 6:9

Natibuus to ginhawa noy agad mahimu koy no tipig no otow dow bantugan. Kadoog koy nalimutan to kamuwahanan dì buhì koy dà man. Agad mabun-ug koy to kalisod, dì wadà koy man kamatoy.