1 Taga-Kurintu 9:4 - Kasulatan to Diyus

⁴ Ogpakadawat a dà podon to igkabuhì ku no igbaos podon to pagkapagud ku. Dì nigbo-ot ad nasì to konà a ogpabayad.

1 Taga-Kurintu 9:4 ပူးပေါင်းရင်းမြစ်များ

Mateo 10:10

Konà kow gayod ogdaa to ogpakabogat iyu no balutan, ilisan, aw sapatus. Agad agos, konà, su tùtu-u to ikagihonon no pig-iling to ‘To mgo ogtalabahu, bayadanan kandan,’ su to ogtalabahu to Diyus, bogayanan gayod to mgo kapookanan dan.

Lucas 10:7

Konà kow oghinalin, bullug sobu-ukon dà to og-agpotan now. Ogko-onon now aw inoma to agad nokoy no ighonat su to mgo ogtalabahu, bayadanan kandan.

Mgo Hininang 20:33

Wadà ku man inga-a to sapì to otow aw buwawan aw kabò dan.

1 Taga-Kurintu 9:3

Na to og-ukit-ukit podon kanak dow tùtu-u to katondanan ku su wadà ku dawata to kanak dà no puus no niglikat podon to kanak katondanan, so-idi to igho-un ku to kanak lawa.

Taga-Galasiya 6:6

Na, to otow no ogpang-anad to kagi to Diyus to igkabuhì din, mgo pig-anad din podon to ogbulig.

1 Taga-Tisalunika 2:6

Aw wadà koy gayod pasayà-sayà iyu dow duma no otow. Kanami no tumutubus ni Jesu-Kristu, agad ogpakapabuhì koy podon iyu,

1 Taga-Tisalunika 2:9

Na mgo su-un ku, to pagpasabut noy iyu to Madoyow no Tutuwanon to Diyus natodu-on, konà now iyan ogkalingawan to pagkapagud noy no paghisakot to pagpangita noy to kanami ingkabuhì su nigpa-omot koy adow aw madukilom awos kanami, konà koy makapabuhì diyà iyu.