1 Taga-Kurintu 10:1 - Kasulatan to Diyus

^1-2 Na ita no otow, agad tumutu-u ki, dì to ita no ogka-ibogan no mado-ot, og-oyowan tad su ko konà, ogpaka-agad ki ogpakasuwoy su konà ta ogkalingawan to ka-aw-apu-an ta natodu-on no mgo Isrili no pig-alladan ni Moises. Namakasuwoy kandan agad namatu-udan no sakup ni Moises no pinabayà to kaboonganan no niglikat to Diyus. To dagat, pigtongà din aw makatalipag to mgo Isrili to matahay on no pasak no imbayà dan aw alladi din kandan no pinabayà to ogpa-unahan din kan mgo otow to panganud.

1 Taga-Kurintu 10:1 ပူးပေါင်းရင်းမြစ်များ

Juan 4:20

Na, to kanami ka-aw-apu-an, kani so-idi untud ampu-anan dan, dì iyu no Hudiyu, ogmatu-udon now to Hirusalim podon to ampu-anan to mgo otow.”

Taga-Ruma 1:13

Dì igkanangon ku iyu mgo kasu-unan to masabid ad nahimos to og-andiyà iyu podon, dì hantod kunto-on nababagan a pad. Nigpang-anad a podon iyu awos to kagi to Diyus tumuga du-on iyu angod dà to pagtuga diyà to mgo duma no katimamanwahan agad konà no Hudiyu kandan.

Taga-Ruma 11:21

To tunoy no sanga, mgo Isrili iyan dì piggawang dà to Diyus su wadà tu-u. Oggawangon din dà gayod to sanga no puli din impadokot du-on to lawa ko konà ogtu-u kandan.

Taga-Ruma 4:11

Nigtu-u si Abraham to Diyus. Kayan nigpa-indan kandin to lawa. Pigpahimu si Abraham to Diyus sikan no igkanangon to napasaylu kandin to saà din aw kakita-i kandin to Diyus no matuwadong. Aw iyan ingkapasaylu to Diyus to saà din su nigtu-u kandin to Diyus. Kaling man si Abraham, nahimu no amoy to tibò no nigtu-u to Diyus agad wadà udyu-on dan no pagpa-indan to lawa. Kandan, papadihu dà su nakita-an kandan to Diyus no matuwadong gayod su niglikat to pagtu-u dan.

1 Taga-Kurintu 12:1

Na mgo kasu-unan ku, bahin to mgo nigsingkabugtì no kabogbogan no ingkangkahungyam ita likat to Ispiritu Santu, igpanoysoy ku iyu su mahan-ing no kunon kun pig-abut kandan to kagi, no Diyus kun to piglikatan.

1 Taga-Kurintu 14:38

To otow no kunon kun kandin, maglilikwaday to Diyus, dì ko konà ogpaminog to intugun ku, konà now ogtumanon kandin.

Taga-Galasiya 3:29

Ko tu-unon kid on ni Jesus, og-agad kinow ogkahimu no sugpù ni Abraham aw makadawat ki to insahad on kandin to Diyus.

Hibriyu 11:29

To mgo sakup ni Moises no mgo Isrili, no pinabayà gayod to pagtu-u dan to Diyus, namantalipag kandan to Maogdog no Dagat no impabayà to pagkatongà to wohig no pasak dà no nigkogaa to pigbaya-an dan. Dì to mgo taga-Ihiptu no namanlupug podon kandan, no niglangub kandan to ogsunud, nangkaonod kandan.