1 Pedro 3:17 - Kasulatan to Diyus

¹⁷ Su ko ogpalisodan ki to duma su namangunan ta to igpahimu ita to Diyus, madoyow pad du-on to mado-ot to paghimu ta aw palisodi ki ogkastiguhon ki.

1 Pedro 3:17 ပူးပေါင်းရင်းမြစ်များ

Mateo 26:39

Dayun nig-u-ugsud kandin aw tinakin patilangkob kandin. Nigpangamuyù kandin to Diyus no nig-iling to “Ko mahimù Amoy, oglipwasan a nu so-idi no kalisodan. Dì mangkuwan konà no kanak to ogpakabo-ot to kanak ogkadoogan. Dì ikow dà man to ogpakabo-ot.”

Mateo 26:42

Na nigpa-ulì mandà si Jesus du-on to pig-ampu-an din aw ampù mandà kandin to Diyus no nig-iling to “Amoy ku, ko pagbo-ot nud on to ogkatuman on to ogmuwahon ad, na matuman on man su ikow dà to ogpakabo-ot to kanak ogkadoogan bahin to kalipwasanan to mgo ka-otawan.”

Mgo Hininang 18:21

Kagi din, “Ko tugutan ad to Diyus, ogpaka-ulì a man dini. Dì kunto-on, oghipanow ad.” Niglayag si Pablo likat to Ipisu padoog diyà to Sisariya no lunsud no nasakup to Siriya no banwa.

Mgo Hininang 21:14

No wadà kasapadi si Pablo, pigbungku-an noy to pagsapad kandin aw iyan on na-ikagi noy to “Agad man basta matuman on to sugù to Diyus.”

1 Pedro 1:6

Kaling man ogtukhow kow no ogtagadan now pad agad kunto-on naduyong-ot kow su nalisodan kow on su pigpanogkadan to Diyus to pagtu-u now.

1 Pedro 2:15

Su pigbo-otan ki to Diyus to madoyow podon to oghimuhon ta awos mgo otow no ogdiyampà podon ita, ogka-ompongan kandan.

1 Pedro 2:20

Dì konà ki ogsayà-saya-on to Diyus ko mado-ot to oghimuhon ta aw sikan nasì to oglikatan to kalisodan ta no ogkatuwa-ay ta. Dì ko matuwa-ay ta to kalisodan, dì wadà nahimu ta no mado-ot, sikan, ogka-uyunan ki to Diyus ko matibuus to ginhawa ta.

1 Pedro 3:14

Dì ko malisodan kow na-an su madoyow to paghimu now, tukhawanan now nasì. Konà kow ogkahadok to otow dà aw konà kow ogkapook-pook.

1 Pedro 4:15

Dì konà kow ogkaliyag ko ina-inahon kow no makalikat to maghihimatoy kow to otow dow kawatan dow oghimu kow to mado-ot dow ogpangakakà su ogkabaosan kow iyan.

1 Pedro 4:19

Kaling man to ogkalisodan agad-agad to pagbo-ot to Diyus, ogkatagonan din to madoyow no paghimu aw isalig din to kinabuhì din du-on kan niggihit kandin no ogkasaligan iyan.