Mateus 19:19 - Amenan pe paapaya uyetato'kon

¹⁹ Moropai ayun asan namakî. Moropai ayonpa sa'namakî kure'ne aawarîrî amîrî e'sa'nama manni' warantî —ta'pîiya.

Mateus 19:19 ပူးပေါင်းရင်းမြစ်များ

Mateus 19:20

Warayo'ya yuuku'pî: —Pena more pe wanî'pî patapai sîrîrî tîpose, mîrîrîkon ku'nen uurî tamî'nawîrî —ta'pîiya. —Tîîse î' tiaron kupîuya e'painon? —ta'pîiya.

Mateus 22:39

Moropai itakon moro wanî manni' e'mai'non warantî rî. Taiya: Ayonpa sa'namakî kure'ne aawarîrî amîrî e'sa'nama manni' warantî. Lv 19.18

Mateus 5:43

—Î' ta'pî to'ya epu'nenan amîrî'nîkon: “Ayonpa awakîrikon pu'kuru sa'nama e'pai awanî. Moropai ayeyaton ku'tî ayewanma pe”, Lv 19.18 taa to'ya.

Lucas 10:27

Mîîkîrîya ta'pî: —Taiya see warantî: Ayepotorî Paapa yapurîkî ayewan ke, moropai tamî'nawîrî eesenumenkato' ke. Moropai ameruntîri ke yapurîkî. Moropai tamî'nawîrî epu'to'ya ke yapurîkî, Ayonpa sa'namakî awe'sa'nama manni' warantî, Dt 6.5; Lv 19.18 taiya —ta'pîiya.

Romanos 13:9

Paapa maimuya taasa' see warantî: —Tiaron no'pî yarakkîrî tîwe'se pra moropai pemonkon kî'wîi. Ama'ye' pe tîwe'se pra tiaron yemanne yu'se pra Êx 20. 13-15,17; Dt 5.17-19,21 —taasai'ya man. Tamî'nawîrî mîrîrîkon wanî Paapa maimuya taato'pe. Moropai ta'pîiya: —Tiaronkon sa'namatî, aawarîrî awe'sa'nama manni' warantî Lv 19.18 —ta'pîiya.

Gálatas 5:14

Maasa pra tamî'nawîron Moisés nurî'tîya yenupanto' wanî tiwin. Ta'pîiya see warantî: —Awanîyakon sa'namakî aawarîrî awe'sa'nama manni' warantî Lv 19.18 —ta'pîiya.

Tiago 2:8

Tîîse Paapa nekaremekî'pî yawîrî, morî pe tamî'nawîronkon yapisîya'nîkon ya se' kaisarî, morî pe awanîkon. Maasa pra Paapa maimu e'menukasa'ya taa: —Tiaronkon sa'namatî aawarîrî'nîkon awe'sa'namakon manni' warantî Lv 19.18 —ta'pîiya.