Mateus 18:16 - Amenan pe paapaya uyetato'kon

¹⁶ Tîîse tîpanamato'ya anetapai pra awanî ya, tiwin asakî'nankon innape Jesus ku'nenan yaakî ayarakkîrî. Paapa maimu e'menukasa' manni' yawîrî awanîkonpa. Maasa pra see warantî awe'menukasa' man: Asakî'ne eseurîwî'ne etatonkon e'pai awanî innape yairî eseurîmannî'pî e'to'pe, Dt 19.15 taasai'ya man.

Mateus 18:16 ပူးပေါင်းရင်းမြစ်များ

João 8:17

Moisés nurî'tîya yenupanto'ya taa: Tiwinan pemonkon eseurîma ya, tiwinsarî si'ma innape ikupî pepîn. Tîîse asakî'nankon eseurîma ya se' kaisarî, innape awanî mîrîrî. Dt 17.6; Dt 19.15 Ayeserukon mîrîrî.

2 Coríntios 13:1

Sîrîrî wanî iteseurîno ite'ka pe uutîto' amîrî'nîkon era'mapî'se. Erepansa' ya, ikupîuya, î' kai'ma Paapa maimu e'menukasa'ya taasa' warantî. See warantî taasai'ya: —Anî'ya î' rî ku'sa' ya, mîîkîrî esepu'to'pe innape, asakî'nankon pemonkonyamî'ya. Mîîwîni pra awanî ya, eseurîwî'nankonya taa e'pai man Dt 19.15 —taasai'ya man.

1 Timóteo 5:19

Timóteo, soosi esanon winîkîi teeseurîmasen wanî ya, imaimu kîsetai. Tîîse asakî'nankon eseurîwî'nankon eseurîma ya, inkamoro maimu etakî morî pe. Mîrîrî wanî ya innape, moriya ikonekakî.

Hebreus 10:28

Maasa era'makî. Pena Moisés nurî'tî nîmenuka'pî yawîrî pra tîwe'sen wanî ya, mîîkîrî ye'ka wî'pî to'ya tî'nînmai pra. Tîîse mîrîrî ku'pîtî'pî to'ya pena anî'ya imakui'pî ku'sa' era'ma asakî'nankonya ya. Mîîwîni pra awanî ya, eseurîwî'nankonya era'masa' ya.

Apocalipse 11:3

Mîrîrî yai asakî'ne kaisarî upî' teeseurîmasanon yarimauya pe man, saaku ya' teepontîi teesewankono'masa'kon ekareme'to'pe to'ya to' kore'ta. Moropai inkamoroya Paapa maimu ekaremekî kupî sîrîrî eseuwarapo 1.260 wei kaisarî to' pî' —ta'pîiya upî'.